مساء الخير
واليكم هذه البسيطه

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
انا ونجمي في ضياه وافوله "=" لارايحٍ يسجي ولاخاطراً راق
للبال بيداً فيه تركض خيوله "=" ياقف لها خيَال فكري على ساق
يطق في بال السوالف طبوله "=" وتفتح له ابواب المعاليق الأعماق
وش ينحكى فاللي تقول ونقوله "=" الا حكى من خافقه كل صداق
والليل في قلب التعب كيف طوله "=" ياباري لحون السهر فوق الأوراق
بين السواد السرمدي وخموله "=" اجاذب الونات مع كل خفاق
سعر الضمير بما يحيك وقبوله "=" تنفخ له افواه المشاره فالابواق
بين التداول فالغلا والسيوله "=" تاقف على تجريح الأعماق الأسواق
اسوق قلبي في هواه لميوله "=" الين نَسبت الهواء وجد وإرهاق
يسريني الهاجس وييشعب ذلوله "=" في رحلةٍ فيها تباريح الاشواق
اشتاق للماضي وعمر الطفوله "=" عهداً مضى طعم الشهد فيه ينذاق
قدام يرميلي زماني حموله "=" وابرك لها لين النفس داخلي ضاق
ودي تمربي الدقايق عجوله "=" لاعزت النومه على هاك الاحداق
ودي وودي طال وازريت اطوله "=" ولولا الأمل كان الصبر كيف ينطاق
الأدمي لو كل مطلب ينوله "=" ماتعبت اقدامٍ ولانشفت أرياق
لكن كلٍ يجتهد في فعوله "=" والله بايدينه مفاتيح الارزاق
[/poem]

حسابي في تويتر
https://twitter.com/#!/s_badi