متواضعة ... أخترت لها فيكم مقامكم هذا في يومكم هذا ، بعد أن اختارت قلوبكم

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا أميرة ، وإنتي أميرة بذووقك = قبل ما يكتب أمام اسمك أميرة !
بينك وبين البشر تشبه فروقك = فرق سيرة مجدنا عن كل سيرة
حلوة ، وفتانة ، ومحدٍ يسوقك = للدروب اللي نهايتها قصيرة
عفتك سور ٍ بنت ساسه عروقك = ومن تجاوزه الله أعلم وش مصيره
بالحلا ما أضن به حلوات فوقك = أنتي أحلى بنت في شبه الجزيرة
يكفي إنك كل ما لاحت بروقك = جاتك عسوس الحيا من كل ديرة
العسل لو إن له لسان ويذوقك = قال سموها العسل وأصير شيرة
نوَّخي بين أحدب القضبان نوقك = وأشربي من واحة القلب وغديره
وأقطفي من ورد شعري ما يروقك = وألبسي معقوده وشمِّي عبيره
وجددي آماله بطلة شروقك = لي متى وعيون شاعرك السهيرة
افتحي يا شوق عيني عين شوقك = وسدِّي أذن ضنونك بصدق السريرة
دام راسي حي لا شي ٍ يعوقك = العسيرة لو طلبتيها يسيره
والله إن الحب حق من حقوقك = وإنك الأولى بعمري والأخيرة
[/poem]

التاريخ : يكتب نفسه !