ياسعود تكفى ترى الموجات مفتـرة
والقلب سامح وكثر الشيب ينهانـي
عن منهج من تشقوى فيه ماسـره
لاعاد تطريه قدامـي علـى شانـي
ماعاد ابي ذكـر لاهجـره ولا بـره
يكفيني اللي من الغربال قـد جانـي
كـم ليلـة بتتهـا والكبـد محتـرة
والبعد والهم والاشـواق تصلانـي
وكم جادل تذبـح العشـاق بالغـرة
الخصر ناحل وباقي الجسم ريانـي
عاملتهـا بالوفـا كـره ورا كـره
وظهرت من سوقها نادم وخسرانـي
واليوم ياسعود جبت الهـم تجتـره
ومن اول الدرب من بلواه زعلانـي
الحـب ياسعـود ياحلـوه ويامـره
وصله سعادة وهجره سـم ثعبانـي
وكم واحد باول المشوار قـد غـرة
برق النحر والخدود وخرس الاعياني
اليوم يشكي الفراق ويشتكي حـره
وتقول سكران لو ماهوب سكرانـي
هني من حبهن يا سعود مـا مـره
ولا ليلة بات لجل الحـب سهرانـي
ياسلام ياسلام ياسلام ياسلام
ياسلام ياسلام ياسلام ياسلام
عبالرحمن العريفي
جزل جزل جزل ومبدع لله درك
صح لسانك مدد
سجل اعجابي اللا محدود
تحياتي وتقديري
|