عبداللطيف الغامدي

عبدالله الطلحي

احد امهر الشعراء على الساحه في الوقت الحالي حسب وجهة نظري

اعتبر قصائده دروس مجانيه لكل محب للشعر الحقيقي الذي يأخذك من اول حرف
لتصل الى اشباع ذائقتك بكل ما هو بديع ومفيد

يقول هذا العملاق في قصيدة سيّد الاخلاق

[poem=font="Simplified Arabic,4,teal,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
سيد الأخلاق كنز الصدور اللي وساع=كن وسيع الصدر واطلب من الله يشرحه

لاتضيق وتنفعل من خطا بعض الرعاع=ويش لو يخطي عليك الضعيف وتسمحه

الشجاعه لا تواجه بها غير الشجاع=فارسٍ يستاهل إنك تقوم وتنطحه

فارسٍ ماتنقده في لسان ولاذراع=لوتشب الحرب بينك وبينه تمدحه

الحريب القرم مثل الشجيع من السباع=ذيب تعجبني وصوفه وانا اريد اذبحه

واستحي من ذكر عثرات شيال المتاع=لو رمح مانيب مثله على شان ارمحه

الشقي دايم حياته نزاعٍ في نزاع=ضيقته في الصلح وإلا المشاكل تفرحه

مايجنب عن طريقه قناعه وإندفاع=ويتعدوالك لو إنك تحاول تنصحه

مثل هذا لوتشوفه على درب الضياع=ليت مايسمعك لاقلت يالله تصلحه

إبتعد عن ضيقة الصدر قدر المستطاع=وإحفظ شعورك من اللي يحاول يجرحه

وإن عطيت السر ناسٍ تثق فيهم وذاع=لاتلوم اللي لياجاه سرك بيّحه

لوم نفسك يوم فرطت في سرك وضاع=تفضحه وتضيق لاشفت غيرك يفضحه

وإعرف إن أيام عمرك نزولاً وإرتفاع=يوم يرقى فيه حظك ويومٍ يطرحه

يوم يرقى الحظ تلقى جماعه وإجتماع=كل رجالٍ بكفه تلوح المسبحه

ويوم ينزل كلهم يرحلون بلا وداع=لاإنتهى دورك ولاعاد عندك مصلحه

أكثر العالم يعيشون تمثيل وخداع=مشهدٍ يعرض ودنياك هذي مسرحه

شوفنا عقب التجارب وصلنا لإقتناع=ليت بعض اللي كتبناه نقدر نمسحه[/poem]

صح لسانك

صح لسانك

صح لسانك