[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
شماغ وقزازة عطرووسادتين وشال=وساده عن الشكّه على الأرض مرميّه


على الطاوله شرشف حرير وقلم وعقال=وكاسه وولاعه وساعه رجاليّه



اثر ريح عطر ومنضدة شمع واستقبال=اريكه وسجاده وفسحه رخاميّه


بها يجزم الناظر على حالة السلسال=بأنه ضحيّة زوبعه لا شعوريّه


على الباب واحد غالب الظن ريقه سال=ومع النافذه واقت عيون الفضوليّه


وبه واحدٍ يطلبني اواصل ارسترسال=يحسب القصيده كلها كاس وبنيّه


وانا عادتي لو جانب البيت ولا مال=اعصّب واقطعها ليا جات دونيّه


وادل المداخل كلها مير هالمدخال=كتبته نكاية محترف في العزوبيّه


عليه الخلف يا ابو خلف ما ربيت عيال=ترضّى عيالك كل واحد بلعبيّه


تبيهم على طيب الأصل يطلعون رجال=واثر كل واحد عينه بلعبة اوخيّه


خليفه يرب البيت كنّه يرب دلال=وخلف في دلاله يطبخ الحمسه النيّه


يشدّك كلامه تستمع تحسبه دلاّل=ولو تنشده عن مقصده قال رمزيّه


تَنَقْ النفيس وقلّده غير هالأشكال=اذا زدت فيهم بيت روّح بقافيّه


على قافية مسحوب سجيتها زرفال=قبل حنشلي يستاقها قدْم عينيّه


مثل ضيقة التاجر على بكرة الجمّال=بعد ما افردت حرّه صبغها عمانيّه


انا يامتابع عن كثب سيرة الابطال=صديقك عسى مستقبله مثل ماضيَّه


عدا في مجال الوجد والبعد والترحال=تمن لمحبينك ظروف احسن شويّه


الا يا وجودي وجد من جر بالموال=يغني على المسحوب بيت لشماليّه


(على الهون تو الدمع ما جف يا رجال)=(لأثر صفعة الأيام في الخد ماريّه)


شهر ما هجعت من الشهر غير بضع ليال=سما ما تركت من السما كبر زوليّه


تحرّيت لهلال الشهر لين هل وطال=وتأخّر فجر سبعه وعشرين هجريّه


لكن امس غير اليوم والحال غير الحال=من اليوم عيني للسما كل عصريّه


على الرجم لين الله يشق الشفق بهلال=عسى يكتشف كم غاب ويعجّل الجيّه


اشيّل معي جوال.. وش خانة الجوال=وظروف اتصاله باحسن احوال برقيّه


الي معه عهد انه يجب النيا بوصال=مع المسلمين اللي يجون السعوديّه


ومعه لين يصبح في نهاية شهر شوال=يجي قبلها ولا رثيته بمرثيّه[/poem]

تم التنسيق ..