شماغ وقزازة عطرووسادتين وشال=وساده عن الشكّه على الأرض مرميّه
على الطاوله شرشف حرير وقلم وعقال=وكاسه وولاعه وساعه رجاليّه
اثر ريح عطر ومنضدة شمع واستقبال=اريكه وسجاده وفسحه رخاميّه
بها يجزم الناظر على حالة السلسال=بأنه ضحيّة زوبعه لا شعوريّه
على الباب واحد غالب الظن ريقه سال=ومع النافذه واقت عيون الفضوليّه
وبه واحدٍ يطلبني اواصل ارسترسال=يحسب القصيده كلها كاس وبنيّه
وانا عادتي لو جانب البيت ولا مال=اعصّب واقطعها ليا جات دونيّه
وادل المداخل كلها مير هالمدخال=كتبته نكاية محترف في العزوبيّه
8
8
8
8
8
8
8
أقدم المجرم الشعري المعروف بإسم العامر عامر وبيوته نار وعمار ودمار شامل
بتحريك الاذهان وتوليد حاله عصف ذهني تشد المتابع لتصوير حاله معينه
وعندم قدم مالذا وطاب وفاحت ريحه العطور والتى تولد الصياح والهجاد وتفتق الجروح خصوصا للعالم اللى مثلى قلوبهم خضر
وبما ان هذا المجرم أحد التجارب التى يعرف اين يوكل الكتف
فقد أقدم مع سبق الاصرار والترصد على تهيج الصوره المرمزه كى تتابع كصوره حيه
وعندما سال اللعاب وقامت العيون بالنظر بشده لهذا المشهد
زحلط المتابعين ورماهم ببير مالها قاعه
وكانه يقول خلك ..!!
عملك ياشين العمل ..!!
وبما ان الشاعر الاول قد قال وقد شدا صوت بدر الغريب بالاتي :
ريحة الطيب هي سبت جروحي
________ كل ما جيت أبنسي ذكرتني
ساعه اضحك وساعه أبكي وأنوحي
________ وأن لمست الوساده ذكرتني
رفقا بالقلوب الخضر أيه الشاعر بل الراسم بل الحالم بل العالم بل العامر
....
...
..
.
عليه الخلف يا ابو خلف ما ربيت عيال=ترضّى عيالك كل واحد بلعبيّه
تبيهم على طيب الأصل يطلعون رجال=واثر كل واحد عينه بلعبة اوخيّه
خليفه يرب البيت كنّه يرب دلال=وخلف في دلاله يطبخ الحمسه النيّه
يشدّك كلامه تستمع تحسبه دلاّل=ولو تنشده عن مقصده قال رمزيّه
....
...
..
.
محور اخر
ومعنى أعمق
وبدايه أتجاه لنفس طويل ولشاعر يكتب لجيل
وكانه يكتب كى يقول تعلموا هنا ياشعار أفتح فمك ويرزقك الله
حى والله هالدنسه والخشه
يازقنك أنت وقصيدك ورمزيتك
لبا العرب وعروقهم
....
...
..
.
تَنَقْ النفيس وقلّده غير هالأشكال=اذا زدت فيهم بيت روّح بقافيّه
على قافية مسحوب سجيتها زرفال=قبل حنشلي يستاقها قدْم عينيّه
مثل ضيقة التاجر على بكرة الجمّال=بعد ما افردت حرّه صبغها عمانيّه
انا يامتابع عن كثب سيرة الابطال=صديقك عسى مستقبله مثل ماضيَّه
عدا في مجال الوجد والبعد والترحال=تمن لمحبينك ظروف احسن شويّه
الا يا وجودي وجد من جر بالموال=يغني على المسحوب بيت لشماليّه
(على الهون تو الدمع ما جف يا رجال)=(لأثر صفعة الأيام في الخد ماريّه)
,,,,,,,
,,,,
,,
,
بدايه ناريه لمحور شعري صاخب وناطق بالجمال
وتضمين وتفعيل للجزاله من خلال ما يسمي السهل الممتنع
حى والله القصيد وراعيه أيو الله
....
...
..
.
شهر ما هجعت من الشهر غير بضع ليال=سما ما تركت من السما كبر زوليّه
تحرّيت لهلال الشهر لين هل وطال=وتأخّر فجر سبعه وعشرين هجريّه
لكن امس غير اليوم والحال غير الحال=من اليوم عيني للسما كل عصريّه
على الرجم لين الله يشق الشفق بهلال=عسى يكتشف كم غاب ويعجّل الجيّه
اشيّل معي جوال.. وش خانة الجوال=وظروف اتصاله باحسن احوال برقيّه
الي معه عهد انه يجب النيا بوصال=مع المسلمين اللي يجون السعوديّه
ومعه لين يصبح في نهاية شهر شوال=يجي قبلها ولا رثيته بمرثيّه
....
...
..
.
والله أنا نصيحتي تلسعه بهجائيه
دخول وتوسيط وخروج وختام لا يفعله الا الابطال
عامر عمار
أحد التجارب الفاخره التى أن كشف عنها النقاب لاأحرقت العديد من التجارب الدعائيه
.....
...
..
.
أبو عمرو
تصدق اول مشد القصيده قلت الهيس الاربد مشفرها
ويومك قطعت التشفير واثرنا ندودح بالخلا الخالى ما عندنا احد
الله ينتصفلى منك
عاد على مشد القصيده مفروض نسميك نزار الروقي
يأخى انت مفروض يعملك حجب
تدري لاه
تعرض القاري لحاله هستريه ماهيب زوبعه
انا وين تصبحت بك
عاد تدري العالم تطالع فيني بالعمل وانا اضحك
تقول الرجال انهبل
في ذمتى لو يعرفون مقدار الابداع اللى هنيه
ليقفون لك لالقاء التحيه والاحترام
دمت بخير ياصديقي المبدع
وبإنتظار قصائد المشفره قريبا
لك ترفع قبعه الاحترام
وباقه ود
|