شماغ وقـزازة عطرووسادتيـن وشـال
وساده عن الشكّه على الأرض مرميّـه
على الطاوله شرشف حرير وقلم وعقال
وكاسـه وولاعـه وساعـه رجالـيّـه
اثر ريح عطر ومنضدة شمـع واستقبـال
اريكـه وسجـاده وفسحـه رخامـيّـه
بها يجزم الناظر علـى حالـة السلسـال
بأنـه ضحيّـة زوبـعـه لا شعـوريّـه
على الباب واحد غالب الظن ريقه سـال
ومع النافـذه واقـت عيـون الفضوليّـه
وبه واحدٍ يطلبنـي اواصـل ارسترسـال
يحسـب القصيـده كلهـا كـاس وبنيّـه
وانا عادتي لو جانـب البيـت ولا مـال
اعصّـب واقطعهـا ليـا جـات دونيّـه
وادل المداخـل كلهـا ميـر هالمدخـال
كتبته نكايـة محتـرف فـي العزوبيّـه
عليه الخلف يا ابو خلف ما ربيت عيـال
ترضّـى عيالـك كـل واحـد بلعبـيّـه
تبيهم على طيب الأصل يطلعـون رجـال
واثر كـل واحـد عينـه بلعبـة اوخيّـه
خليفـه يـرب البيـت كنّـه يـرب دلال
وخلف في دلاله يطبـخ الحمسـه النيّـه
يشـدّك كلامـه تستمـع تحسبـه دلاّل
ولو تنشده عـن مقصـده قـال رمزيّـه
تَنَقْ النفيـس وقلّـده غيـر هالأشكـال
اذا زدت فيـهـم بـيـت روّح بقافـيّـه
على قافية مسحـوب سجيتهـا زرفـال
قبـل حنشلـي يستاقهـا قـدْم عينيّـه
مثل ضيقة التاجر علـى بكـرة الجمّـال
بعد ما افـردت حـرّه صبغهـا عمانيّـه
انا يامتابع عـن كثـب سيـرة الابطـال
صديقك عسى مستقبلـه مثـل ماضيَّـه
عدا في مجال الوجـد والبعـد والترحـال
تمن لمحبينـك ظـروف احسـن شويّـه
الا يا وجودي وجد مـن جـر بالمـوال
يغني علـى المسحـوب بيـت لشماليّـه
(على الهون تو الدمع ما جف يا رجـال)
(لأثر صفعة الأيـام فـي الخـد ماريّـه)
شهر ما هجعت من الشهر غير بضع ليال
سما ما تركت من السمـا كبـر زوليّـه
تحرّيت لهلال الشهر ليـن هـل وطـال
وتأخّر فجر سبعـه وعشريـن هجريّـه
لكن امس غير اليوم والحال غير الحـال
من اليوم عينـي للسمـا كـل عصريّـه
على الرجم لين الله يشق الشفق بهـلال
عسى يكتشف كم غـاب ويعجّـل الجيّـه
اشيّل معي جـوال.. وش خانـة الجـوال
وظروف اتصاله باحسن احـوال برقيّـه
الي معه عهد انه يجـب النيـا بوصـال
مع المسلمين اللـي يجـون السعوديّـه
ومعه لين يصبح في نهاية شهر شـوال
يجـي قبلـهـا ولا رثيـتـه بمرثـيّـه
عامر عمار
شاعرتنهل من اعذب ينابع الشعر
صح لسانك
لك تحياتي
في رعاية الله
|