[poem=font="Simplified Arabic,5,white,bold,normal" bkcolor="transparent" bkimage="backgrounds/21.gif" border="groove,6,white" type=0 line=0 align=center use=sp num="0,black""]
ياللي تقود الطايره سو معروف = اسرع مادام الطايرات اقلعنيا
ماني على رصد المطارات مكلوف = ترى الغرض منهن الى وقعنيا
معهم حبيب لافني بالهوى لوف = لف الهبايب للسفن واغرقنيا
ومن بعدهم كني على الجمر محذوف = جمر الغضى مدري الفراق احرقنيا
وان جيت اطالع للغنادير مااشوف = شوقي عليها والعيون اسهرنيا
عنق الغزال اليا تذير من الخوف = لا حس في بعض القنوص اقنصنيا
متقارن النهدين والبطن ملهوف = وروس الضلوع من اسفل الصدر حنيا
والفخذ مبرومه مع الساق ملهوف = وغاو القدم مرفوع ومخضبنيا
وخده قمر مدري القمر منه مكسوف = وحمر الشفايف بالغرام اذبحنيا
والعين سودا وازرق اللون منصوف = ومن فوقها سود الرموش الحفنيا
وحواجبه كالسلك والقوس معكوف = كن الاهله بالجبين ارسمنيا
راعي جديل اشقر على المتن منسوف = جدايلن تحت الردوف انثننيا
ويدينها جمار ذرعان وكفوف = والها خلاخيل الذهب يصنعنيا
ولولا الحيا كملت الاوصاف بوصوف = شين ليامني ذكرته طعنيا
زاد الغرام وصار للناس مكشوف = ارسل علي السهوم حبه رمنيا
واصبحت في حبه مقيد ومكتوف = مثل السجين اللي بسجنن سجنيا
[/poem]