ماهو من المنطق ولاهـوب معقـول
يرضيك مـر فراقنـا لـو شربنـاه
لاصارعذرك دايـم الـدوم مشغـول
والعمر يقظي والشغـل مـا قظينـاه
والعذر يقبل مير ماهو علـى طـول
فرقاالعذرلامـاك وفـرقـاك لامــاه
قطعت فـي حكـمٍ مكتـف ومدبـول
والحظ معـك متكـي فـوق مركـاه
كنه ولـد شيـخٍ مشُيـخ ومبـدول
وااا.. ضيعة اللي بالمدايـح تحـراه
يابن الحلال اسمع ترى الرزق مكفول
واللي كتبه الله علـى خلقـه اجـراه
هـذا كـلامٍ عدنـي عنـه مسئـول
قاف وطباعة حسـن خطـه ومعنـاه
واذا فهمت اخذ المواصل على اصول
وآمر تدلـل واطلـب اللـي تمنـاه
هذا اتصالي يـوم هاتفـك مفصـول
يمكـن تمـر وتنتبهلـه وتـقـراه
صح لسااانك عليها كلها ..
سرني قراءتها و الرد عليها
لله درك طال عمرك .. و إلا من بغيت تكتب توقيع كمل عليه شوي و خلنا نشوفه هنا
تحياتي و تقديري
أخوك/محمـــد ال عبـــدان