04-08-2009, 12:17 AM
|
|
|
|
|
|
(*( عضو )*)
|
|
|
|
|
|
|
|
لوني المفضل
Darkblue
|
|
رقم العضوية : 1446 |
|
تاريخ التسجيل : Oct 2006 |
|
فترة الأقامة : 7008 يوم |
|
أخر زيارة : 01-01-2012 (02:04 PM) |
|
المشاركات :
3,282 [
+
]
|
|
زيارات الملف الشخصي : 21608
|
|
بيانات اضافيه [
+
] |
|
|
|
|
يا معقب الهراج !
.
.
السلام عليكم و رحمة الله و بركاته ،
،
مساكم / صبحكم الله بالخيـر
[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=1 align=center use=sp num="0,black""]
قرّب لي الدله و هات المعاميل=يا غازي ، وعطني من الكيف ما طاب
في راسي الفريّس و الهجن و الخيل=تطرد بعضها لين صمّ الحصى ذاب
و الشمس غابت و القمر فـ / أول الليل=ضاوي و يبرق من ورى سود الأهداب
و الهاجس اللي منحدر كنه السيل=أصبح على مرقاب و أمسى أفـ / مرقاب !
في مدحت الطيّب ، وبدع التماثيل=ما عاد لي من عدّها اليوم مجناب
قابلت فـ / الدنيا قروم و رياجيل=وزحول ما قدُ رد ُ في وجهها باب
و أشناب في يوم الوغى تدبل الكيل=يستاهلون إن قلت يا طيب الأشناب
لكن ّ مثلك ما بعد شفت حلحيل=فعله عن لسان الرياجيل ما غاب !
يمناك لا مدّت ، برى منهّا جيل=و شلفاك لا دقّت ، تهاون ّ الأرقاب
يا ما عدلت اللي بحاجه لـ / تعديل !=و يا ما جبرت كسور وآويت منصاب
يا محقق الآمال ، يا معدّل الميل=يا ستر من صاحت تبى ستر و حجاب
يا مدهل الطرقي ُ ، و يا مقلط الحيل=يا مزبن الجاني ليـا جاك ، مرتاب
يا كاسب العليا ، و منصى المشاكيل=يا معقّب الهراج ، لا زل ( وإغتاب )
وأن قيل منهو ؟ قلت وشـ / حاجة القيل=لا صار فوق الأرض بيّن و لا غاب
وأن قيل منهو ؟ قلت واضح كما سهيل=نجم ٍ سطع فـ / الأرض ما عاقه حجاب
ولو بـ / أذكر فعوله و أدق ّ التفاصيل=شاب القصيد ، و راس من يمدحه شاب
فـ / ( أبوي ) ، ما يجني قصيدي محاصيل=و لا توفي حقوقه ، دواوين و كتاب
[/poem]
،
.
الزمن دار و اللي .. لي بقى راح !=و إنتصف عمري اللي لك .. عطيته
أوله .. بسمة ٍ في وجه الأفراح=و آخره .. جرح ما والله بريته
والعمر شايب .. إليا من وقف طاح=و لا جنى من مطيحه .. غير صيته !
و الأمل طفل .. في وجه الزمن صاح=أسمع بكاه .. ( لكن ما لقيته ) !
و حلم عمري .. على صدر السما لاح=و أنتهى .. و لا أنا ما قد بديته !
ألبس الصبر .. يا قلبي لك وشاح=دامه اللي يلبي ّ .. لا دعيته
و أترك اللي يزيد جراحك .. جراح !=و أزبن اللي .. ليا أحتجته لقيته !!!
،
|