السلام عليكم ورحمة الله وبركاته

هذه رساله للأخ والشاعر الكبير / تراحيب بن سويلم


:


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
جات الطواري واغصبتني غصيبه=على قروح الشعر والشعر مذهوب
يجيب للشاعر علومٍ عجيبه=يشق ثوب ويرقع الثوب بالثوب
وليا سلم مافيه من كل ريبه=مثل القراح ليا صفى منه مشروب
ياصف مفاعيل الرجال العجيبه=ليا تجنّب شاعره كل مكذوب
اللي يعرف المخطيه والمصيبه=يجيب من جزله منقد ومعذوب
سوات أبوناصر وربعٍ بطيبه=اللي يجيبونه مصفى ومصبوب
واللي يحوش الطيبه من نصيبه=واللي نصيبه دون يلقى له دروب
والرجل ماكل الكلام يحكي به=والنمنمه والوشوشه مهنة الطوب
وينك يابوناصر سلمت المعيبه=وش لون ريمه عودت سوق عرقوب
بدى عطبها في العظام الصليبه=والأصل سيّب وأقرب الزمل منجوب
أشوف كلٍ عاشقٍ له خطيبه=وأنا بصوب ونامي الجيل في صوب
وقمت أتحرّا منك رايٍ تجيبه=وأبطيت لاجوال لا خط مكتوب
من الحبيبه في مصيف الحبيبه= أخاف وألاّ الصيف ماهوب عذروب
وأقول جايه حسّةٍ مادري به=من حاقدٍ لبّسني الثوب مقلوب
وأقول شائب والمسافه تعيبه=وأقول يالله جعل ماصابه ذنوب
[/poem]

شعر هادي بن شنيف
الثلاثاء 13 شعبان 1430هـ

..