جات الطواري واغصبتني غصيبـه
على قروح الشعر والشعر مذهـوب
يجيـب للشاعـر علـومٍ عجيـبـه
يشق ثوب ويرقـع الثـوب بالثـوب
وليا سلـم مافيـه مـن كـل ريبـه
مثل القراح ليا صفى منه مشـروب
ياصف مفاعيـل الرجـال العجيبـه
ليا تجنّـب شاعـره كـل مكـذوب
اللي يعـرف المخطيـه والمصيبـه
يجيب من جزلـه منقـد ومعـذوب
سـوات أبوناصـر وربـعٍ بطيبـه
اللي يجيبونـه مصفـى ومصبـوب
واللي يحوش الطيبـه مـن نصيبـه
واللي نصيبه دون يلقـى لـه دروب
والرجل ماكل الكـلام يحكـي بـه
والنمنمه والوشوشه مهنـة الطـوب
وينك يابوناصـر سلمـت المعيبـه
وش لون ريمه عودت سوق عرقوب
بدى عطبها فـي العظـام الصليبـه
والأصل سيّب وأقرب الزمل منجوب
أشـوف كـلٍ عاشـقٍ لـه خطيبـه
وأنا بصوب ونامي الجيل في صوب
وقمـت أتحـرّا منـك رايٍ تجيبـه
وأبطيت لاجـوال لا خـط مكتـوب
من الحبيبه فـي مصيـف الحبيبـه
أخاف وألاّ الصيف ماهوب عذروب
وأقول جايـه حسّـةٍ مـادري بـه
من حاقدٍ لبّسنـي الثـوب مقلـوب
وأقـول شائـب والمسافـه تعيبـه
وأقول يالله جعـل ماصابـه ذنـوب
جزله من جزل صح السانك
اعجابي وتقديري
|