البارح والليل ينادي
لا تنعس ! وإياك تنام
خلك صاحي عكس العالم
لو ما لظروفك أحكام !
حاول ليلة تسبق يومك
لا تمشي خلف الأيام !
جرّب مرة تقرأ كفك
وتشوف خطوط الأحلام
يمكن تلقى نفسك فيها
ملفوف بحبل الإعدام
ويمكن تقرا عمرك كله
مرسوم بهيئة أرقام
إجمع وأطرح وأضرب وأقسم
واحسب كم باقي من عام
عش أيامك وأفرح واضحك
لا تجلس مثل الأصنام
غربتك اللي تشعر فيها
غربة شاعر حب وهام
كانت أحلامه مجنونة
صدقها صارت أوهام
صدّق قلبه , كذّب عقله
وانهى حربه باستسلام
أكبر غلطة في هالدنيا
تتلحف دمعك وتنام