[poem=font="Arabic Transparent,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الي خسر لابد يعلن فلاسه=وانا خسرت ومستحيل اعلن فلاس
ماهي بلحيه ضحك ولاوناسه= الزاد في بلعومي ايشابه امواس
كن الحزن حصل مقاسي مقاسه= وهدى علي الباس وقبلت للباس
خطوة امل في دنيتي بالدساسه= تبدلت هم ومباديه وسواس
يالله يلي كل هناس ناسه= يلي تصخر ناس وتقدر الناس
اتصخر الي شاف امره فراسه= وصبح علي ابعد من الظلم لحساس
حتى يهون قو جوره وباسه= ويصير لي نوم ن وانا اول انعاس
من شان الى وشح عيونه نعاسه=يحس من حوله الى صار محتاس
ويحس به بلاس راعي بلاسه = انجى تقل بلاس وان راح بلاس
ويعلم الي حطني وسط راسه= الله يجير الراس من فكرة الراس
ملعون جد وفكرته وقتباسه= ايدور الهفوات في وسط كراس
بائت جميع محاولات النجاسه= فشل فشل لنه اساسه ردي ساس
ماهو كفو يغير الي اساسه= انقى من الماء لاركد في بطن طاس
لبيه ياطاري الحيا والوناسه= لبيه ياريح الندى فوق لطعاس
لبيه يلي قاع قلبي مداسه= الي الى اصبح راح بالصدر عساس
سايس يبادلني مشاعر سياسه= افطن بشر يترجم احساس حساس
ريس وينهل من مكاتب رياسه= يصدر قراراته وانا اقول لا باس

وســــــــــــــــــــــــــــلامتكم
[/poem]