بسم الله الرحمن الرحيم

أسعد الله مسائكم بكل خير

[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
ما اشتقت لي ؟ يوم المسافة بعيدة = ما اشتقت لي ؟ يوم أنقطع عنك الإرسال
ما اشتقت لأحلام الليال الزهيدة = الليل عنق وحلمنا فيه سلسال
من يوم رحت أيام عمري قصيدة = بيدين شاعر ما لقى شي ينقال
إذا كتب له بيت يرجع يعيده = الفكر يشكي من عنا شح الأمثال
حنيت لك وأخذني الحزن بيده = مشيت معه أميال وأميال وأميال
مشيت لين القلب تعّب وريده = لقيت نفسي بين همٍ وغربال
رجعت أعيد اللي مضى وأستعيده = يمكن يخفف شي من ضيقت البال
أعيد ماضينا وأفتش رصيده = محتاج فرحة لجل الأحزان تنزال
هذا لأنك ياحياتي فقيده = لن غبت ربي بدّل الحال بأحوال
نسيت أبارك لك . إجازة سعيدة = ما اشتقت لي ؟ يوم أنقطع عنك الإرسال[/poem][/quote]