يازين شوف الحيا فالديـره المطـره
وترك الحسايف ولولايـه ولولايـه !
هذا شهر بيـن جاكرتـا وسومطـره
احاول ادلـه واسـج وغايـة منايـه
الساعه اللي تمر بـدون مـا اخطـره
لوهي على جال ناري حيد مركايـه!!
المشكله وين ما اوجـه علـى قطـره
مسكين من لايحـط لقلبـه حمايـه !
صبري نفـد مابقـي منـه ولاقطـره
واحلامي اغصان لكن واقعي حايـه !
فيما مضى في شقا والعيش له وطـره
متى زماني يحس ويطلـب رضايـه؟
ياعيني اللي ماتبـرد غيـر بالقطـره
من لاهب الدمع كن العين شوايـه !!
يرسمني الهم رسم الحرف في سطـره
ملامـح الحـزن ماتحتـاج لمرايـه !
من عقب فرقا (.......) وحالتي خطره
عزايه اني ماطحـت ورافـع الرايـه
ياقو باسه علـى ظلمـي و ياشطـره
ابدايتي في االموده صـارت نهايـه !
مسموح لو كبدي من البعـد منفطـره
علمني أحب حتـى أعـداه واعدايـه!
هذي سنه والنفس محروم من عطـره
بالله وش عذري من سنينـي الجايـه
لن كان تبغى عذابـي يازمـان اطـره
وانته عليّه حريص ولاتبـا وصايـه!
قلبي رعاع ومزاجي ممتلـي سطـره
والهجر نارالهـوى والوصـل طفايـه
من شافني قال وش ذا الجسم والبطره
اضحك وانا اشيل دايه داخـل ردايـه!
ياجعل من لامني مـا يعايـد الفطـره
اصحى تشمّت تـرى الايـام بلايـه !
قلبي متيّـم بـراع السيـره العطـره
اللـي جفـا واختـفـا لله شكـوايـه
ليه اتصنع وانـا فـي الوفـا فطـره
يبقى قصيدي وسيله والرضا غايه !!
من اجمل
ماقرأت
للمبدع
غلاب بن عايض ....
|