|
اقلط معي بافنجلك فنجال بنن معتبر
رمضان مبارك للجميع
بمناسبة الثقه الملكيه التي حصل عليها الشيخ /ناصر بن تراحيب ابن غنام شيخ قبايل وازع البقوم تلقيت دعوه كريمه من الشيخ /سعد بن تراحيب بن غنام واخوانه للحضور والمشاركه في الحفل المقام تكريما للشيخ ناصر ابن تراحيب بن غنام وقلت ......... صلو على النبي
يابو يزيد السالفه ماهيب سالفة ابي اشوف = انا ليا جا الواجب الغصّاب والله ماعتذر
والا لواني باتعذر كان ياكثر الظروف = اما تعذرت بشغل والا تعذرت بسفر
والليله الدعوه تبي تعنيزه وكلن يشوف = وللي يجينا بالخبر قله يعوّد بالخبر
انا على ماقف بني عمي مالي فيه معروف = ان ماحضرت وغبت عنهم ماني بكفو الشعر
ياهيه ياللي تستمع للقاف والحرف الشغوف = اقلط معي بافنجلك فنجال بنن معتبر
الليله المعنى جزل وهجوس شعري ماتروف = سرتني بدربٍ عسر وانا اعشق الدرب العسر
سلام ياربعي هل الوقفات برهاف السيوف = ليا جا نهارن مايتقي فيه زيد ولا عمر
الا قيوفن ترتكي للحرب لارزفت القيوف = ليا ركد صوت الرصاص وصامل الهده هدر
حنا لها ورجالها بين الحفايف والحيوف = ماننزل الا فالسفوح ولا نعشق الا القمر
مانعرف البوقه ولا نحتاج فالعهد لحلوف = ولا نرخص الشيمه ولا ننقض عهود ولا نغدر
والليله بتنصيب شيخن لا عيول ولا ذروف = شيخن على الاسلاف ماهو شيخ بدن مختصر
شيخن كلامه حد سيف ولا وقف جاله وقوف= ترجع له الاريا لاجا كلن معه وجهت نظر
والشيخه اللي ماتبين ليا تلاوحت الكفوف = لعل يمنى من تزعمها على ماش الكسر
وناصر على معناز ابوه اللي على جده خلوف = وجده على معناز ابوه اللي على مدى الدهر
الشيخ ابن غنام ذكره كل ماذكر معروف = ماهيب شيخة ختم والا شيخة فلوس وقصر
مقدم رجالن فاللقا رجالهم يثعى الصفوف= ليا تحزم بام كرسي واعتزى موتن حمر
ليا ثبت شباحه مايعرف في نهار الهوش خوف= كنه بلا قلبن يضخ الدم ويهاب الخطر
وحنا ماسّلمنا ولا ارخينا المناكب والكتوف = ولا خضعنا للشروط ولا رضخنا للامر
يوم الحرايب والنهايب في زمانن مايروف = قلنا بدا لا رحم ابو الاتراك مع باشة مصر
ماقولها الا بالثبوت اللي تخزّم به انوف= تشهد لنا الاتراك فاسطنبولهم نفر نفر
ولا خضعنا الا لبوتركي مطّوع من يعوف = يوم استلمنا بالمحبه وانتهى وقتن غبر
ومن يوم عاهدناه من ميّة سنه والا تطوف = وحنا ماخنا بالعهد له لا شيوخ ولا جبر
وتسلسلو بعهد عياله من عطوفن في عطوف =من الزعيم المنتصر الى الزعيم المنتصر
واليوم حنا في زمان ابو اليتاما والضعوف = في عهد ابو متعب يا مال الخير يالعهد الخضر
الشعب كله شايله عبدالله بقلبن رؤؤف= وحنا نشيله فالهدب والعين في وسط الحجر
قولو معي يالحاضرين الجالسين مع الوقوف= امين قولوها بصوتن مرتفع يامن حضر
الله يطول عمر ابو متعب سندنا فالحتوف= اللي مضللنا تحت يمناه في صبح وعصر
والله يجيبك يا ولي العهد يالخير القنوف = الله يجيبك ياسديد الراي يالوجه الاغر
الله يجيبك ياحجاب الدار ياعدم الوصوف= الله يجيبك يا عوين اللي شكى دين وفقر
الله كم قلبن بعد فرقاك مشتاق ولهوف = والله كم عينن شكت فرقاك واضناها السهر
متى يزف البشر ويزول المرض جعله ذلوف = متى يبشر خالد الفيصل بجيتك المطر
حنا نحبك حب مخلص لا عيوف ولا زهوف = حبن لو بيحصيه من يحص المحبه ماقدر
وليا تجاهلنا المغني يوم غنى للصفوف= حنا بعيدينٍ عن التشكيك قوله مايضر
مايعرف ان حي المبرز مايباعده الهفوف= والجار له عند العرب بسلومهم حق وقدر
وحنا ليا جات الملمه مانطّري بالنكوف= نمشي قدم ونبين مثل الشمس نبدي فالصدر
ولا نغيب الا عن اصوات الغواني والدفوف = ليا جر صوته باللحن وسط الملا رابح صقر
وبسم البقوم اللي لهم في كل عالي نوف نوف= اشيوخهم عرافهم وافرادهم بدو حضر
نبارك لرمز الفخر ستر الوطن عن كل خوف= نايف ليا كبرت على العرّاف والحمل اكتبر
يبدي مثل شمس النهار اللي ماغطاها كسوف = ويشيل حمل اللي ثقل حمله وطاح من القهر
مغلي العرقين
من لا اعتبرني راس ماله وربحه = ماهوب لا ربحي ولا راس مالي
ومن لا اعتبرني لاقصر زود شبحه = ماهوب شبحلي بروس الطوالي
بجاد ابن عبيد ابن هباس البقمي
|