انا لي في سمان الهرج مركب واتجـاه وذوق
ولي وجهة نظر في حبك شعـري واتجاهاتـي
احبك القاف كالشعار بالمعنى واسوقـه سـوق
واحدد به مدى الانظـار وأجمـل بـه ابياتـي
طلعت البارحه في الرجم ماعندي ولا مخلـوق
اجر الصوت من حر الزمن والنـاس بالذاتـي
إذا كان الزمن له حق عندي لي معاه حقـوق
يلمح بالجفـا لـي ميـر للمعبـود شكواتـي
تحققت ولقيت ان الذهب من صاحبه مسـروق
يخونـون العهـد مـن بيننـا و الاتفاقاتـي
يحز بخاطري لاشفت بعض الخلق بالشاهـوق
وطرقان الشوارب في الشـوارع كالمحطاتـي
وانا مانيب قالط كل وجبه في صحن مرقـوق
ولله الثنـا والشـكـر تكفيـنـي علاقـاتـي
ولا لي فخر في خوة زعيمن شاربـه محلـوق
تريس في شعيب اهـل النذالـه والمزاجاتـي
انا من روس قحطان العرب والمجلس المرموق
واعرف الجلسه اللي تلحق الرجـال شرهاتـي
اذا كانت عتيبه تنقسـم برقـا وقسمـن روق
ولي معهم على عهد الوفـا روحـه وجياتـي
سلام الله عليهم عد مالاحـت سمـاه بـروق
وتقديـري هديـه وافيـه تحكـي تحيـاتـي
كفووووووو بيض الله وجهك
وصح لسانك
جزله من شاعر جزل
|