[POEM="font="Simplified Arabic,5,firebrick,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]يروح العمر . وألا تقصر الايّام=نصيبٍ كاتبه ربّي ؟ تقبّلته
نهاية فرحتي وإبداية الالام=سبب دربٍ مشيته لين كمّلته
تريّح يا ضميري والوعد قدّام=تراك اشغلت تفكيري وبهذلته
على سيف الحقيقه شرهة الاحلام=تثاقلت الصحيح او ما تثاقلته
تراي انسان عادي لا غلطت .؟ انلام=وحملٍ فوق حملي . ما تحمّلته
حياتي كلّها . علامة إستفهام=لو إن الضيق في صدري تجاهلته
تعوف النوم عيني والعموم إنيام=جرحني واقع أيّامي وجاملته
سمحت وسامح اللّه مجمل الاوهام=تقوّلني كلامٍ غصب .؟ ما قلته
تقول افطر لصار المسلمين إصيام=وتلقا لك جميلٍ ما تجمّلته
واقول ان كان نام الحظ وألا . قام=وش الرجّال .. يسوى دون مرجلته
لو انّ القلب ميّت .. والعروق ايتام=لقيت الـ خاطري مدهال . واشغلته
تباشير الفرح .. في تالي الاعوام=شعورٍ جال في نفسي .. وحلّلتـه
عساي القى منامي عقبها . وانام=واطول اللي قدم عيني . ولا طلته
يروح العمر وألا .؟ تقصر الايّام=نصيبٍ . كاتبه ربّي .. تقبّلته [/POEM]