ياصاحبي حبك اللـي بـان منضوحـه "" معـاد خـلا ولا بـقـا ولا جـانـي
العـام حبـك وقـدرك فايـح ٍ فوحـه "" والـيـوم يالله يـاربـي لا تبـلانـي
كل ٍ على غايته يبحـث ال مصلوحـه "" ماكننا قبـل عـام أحبـاب وخلانـي
صديت والنفس مستـوره ومفضوحـه "" صديت قبل أعلن بصـدي وهجرانـي
روحت مني وأنا مدري عـن الروحـه "" روحت وأقفيت لين الشـوق يضنانـي
واصبحت الاحي حمام الورق في نوحه "" واجر صوتي معـه وأكوسـر ألحانـي
لين أن كل ٍ من الثانـي كشـف بوحـه "" يـون وينـوح مثلـي جـاه ماجانـي
ياصاحبي خل عينـي تبعـد الشوحـه "" لاتقصر بناظـري وتـروح وتنسانـي
فريت قلـب الشقـي فـرّار ماروحـه "" وخذيت حقـي وماجوبـي وعرفانـي
أما تصير النفوس البيـض مشروحـه "" وألا أبشكي عليـك أحقـوق الأنسانـي
ياصاحبي لاتزيـد القلـب وأجروحـه "" أرفق على الجرح الأول وأخفظ الثانـي
ماتشوف بيبان وصل القلـب مفتوحـه "" ياخيرة أغلـى مساييـري وضيفانـي
أنسى الجفا وأعتبـر زلتـك مدموحـه "" وأدخل معا دم قلبـي وسـط شريانـي
وأن كان طاوعك قلبك تسكن ( الدوحه ) "" جيتك وجا الحب ((يقلب حكم أبن ثاني))
ال شاعرها /عايض الهاجــري
|