دارين

بهالمناسبة تذكرت موقف

كان اول عزا احضره في حياتي

ولد عمتي توفى وكان لازم نروح نعزي عمتي

علموني اقول ( عظّم الله اجرك ) .. جلست اكررها واعيدها حتى ما انساها


المهم وصلنا بيت عمتي ودخلنا لقيت البيت زحمة كله حريم

ودخلت اعزي عمتي وكنت خايفه اغلط لاني اقولها احيان ( اجر الله عظمك )

لكن عدت على خير ونطقتها صح


اضطريت اجلس بنفس الغرفه وتقريبا ماعرف ولا وحده بالموجودات يمكن وحده او ثنتين

كنت متوقعة العزا مثل ما شوف بالمسلسلات يعني الحريم لابسين اسود وكلهم يبكون

تفاجأت بالناس .. هذي تتكلم مع هذي .. وهذي تضحك لهذي ..

وهذي تحكي عن فستانها بفرح فلانه ..


والمفاجأه الاكبر .. لقيت العالم تسأل عمتي ( وش اخبارك ؟ ان شاء الله بخير ؟ كيف العيال ؟ عساكم طيبين ؟ )>> هذا وقته ؟؟؟؟ :bomb:



ماعلينا


رجعت البيت مصدومة .. كنت احسب العزا حزن ومواساة ..

لقيته مكان للتجمع والسوالف وصف الحكي


^

^

هذي كانت اول صدمة لكن بعدين ماعدت استغرب شي



والله يرحمنا برحمته