القديرر
محمد السالم
صباحك خير وتفاءل وسعاده
ياصديــــقي ..
نقلك اروع من الرائع ..
مبدع في ذائقتك ..
والناقد الشاعر الكبيرر
عبدالله الســــالم ..
كتب فااجاد ..
دمتم بخير
وكما تحبون ..
.........................
بخير جعلك طيب وجعلـك بخيـر
مرتاح وعلومي تسرك ، مليحـة
يمكن كذا محتاج لشـوي تغييـر
أو كنبَات البيت ما هـي مريحـة
وشوي يرهقني السهر والتفاكيـر
واستفتح الدنيـا بـروحٍ جريحـة
وشوي متورط بكثـر المخاسيـر
في عز ما الدنيا يديهـا شحيحـة
أحيان لو ينصون بيتـي مساييـر
ما عندي اللي يشتري لي ذبيحـة
والعسر يا ابن العم أبشرك تكفير
حتى نموت أرواحنـا مستريحـة
لولا العسر ضاعت علينا المعايير
بين القلـوب الطيبـة والقبيحـة
كم صاحبٍ تشريه حمر الدنانيـر
ما تشبع أذنك من روايع مديحـه
لكن ليا صكت عليـك المقاديـر
يطلع مـن المترديـة والنطيحـة
وبخير جعلك طيب وجعلك بخيـر
مرتاح وعلومي تسرك ، مليحـة
يمكن شوي أقشر وحظي معيثيـر
أركض عمر واقدام وقتي كسيحة
والسفر موجعني وكثر المشاويـر
ومخالَط العالم شريحـة شريحـة
تعبت راح العمر كله وأنا أسيـر
وأخاف عاده فـاخر السير طيحة
تضحك بها بعض الوجيه المكاشير
اللي يسمّـون التشفـي نصيحـة
|