[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
الليله الحزن غير وداعي إحساسي بعد غير=كله من أسباب علمٍ حزة المغرب لفاني
عز الله إني منوّل دالهٍ فالوقت وبخير=ولا عليّه من الدنيا لا عشر ولا ثماني
والله مانيب معترضٍ على حكم المقادير=استغفر الله ويخشع قلبي ويخضع لساني
على كثر ما فضدات الليالي صار ويصير=ما صار دون الثلاث الغامديّه شيّ ثاني
حادث مروري رجف منه الفؤاد وعرقل السير=والموت صاب سْهمه واللي كوى غيري كواني
هناك فقدت أبوي وراحت أوضاعي عشا ..طير=ومن ظلمة الهم والدنيا غشاني ما غشاني
وجينا فزوع ودموع العين تغرق جمة البير=وحزنٍ على أبوي مثل السيف من بين المحاني
وعليه في مسجد العباس صلينا طوابير=ندعو ونقرأ صلاة الحمد والسبع المثاني
ثم عاد لا تنشدوني ما بقى فالعقل تفكير=اللي عرفته سنواتٍ فقدته في ثواني
لكن يالله ياربي عسى الغر المزابير=تمطر على قبر أبوي وترحمه يامستعاني
وانّك تجيره بعفوك يا إلهي من زمهرير=وبلا حساب وعقاب تنزّله خضر الجناني
أعزي الطيب والترحيب ودلالٍ مباهير=وأعزي اللابه أهل المدح وأعزي خواني
أواه ياقلبي اللي بان به للحزن تأثير=أصبح صبورٍ على الشدات وأمسى ما يداني
عليّه من الحمول الجايرات أكبر من النير=ما عاد لي حيل فيها والا أنا بعيرٍ عْماني
وش خانة الشعر واسمي شاعرٍ بين الشواعير= إن كانني ما رثيت أبوي وأسرجت الحصاني
لابد ما تنثني ياقاف وأصخّرك تصخير=من دون ودي وتقديري وشكري وامتناني[/poem]

عزالله حزنها غير .. وإحساسها غير .. الله يجبر مصابكم .. (( يالمسري )) ..
قاف حزين .. والله انه يخلي الواحد يغنيه بدون شعور .
.

رحم الله والدك واسكنه فسيح الجنان . وغفر له ماتقدم من ذنبه وماتأخر .

ونورت المرقاب .. وانا اخوك
محبتي .. لك