عليك خلاف وإلاّ يـا عيونـي مـا عليـك خـلاف
يا كم عيـن ٍ تظاهـر بالسـرور وحزنهـا فيهـا
وأنا والله ما ألـوم اللـي تغيـض ودمعهـا ذراف
علـيـك الله وأمـانـه والعبـايـر لا تخبـيّـهـا
من البارح سهيره والدموع اللـي علـى مهيـاف
تقـول أن السهّـر ماهـوب سامـح لـك تهليّهـا
فجعك اللي فجعنـي والقضـاء ترضابـه العـراف
قنعنـا بالمنـيّـه .. والمنـيّـه مــا ندانيـهـا
رحمك الله يا اللي سيرتـك فـي قمـة المشـراف
تغشاهـا البيـاض مـن أوّل السـيـره لتاليـهـا
رحمك الله يا اللي في دروب العيـب مـا تنشـاف
خـذت مـن ستـر ربـي بالكرامـه مـا يغطيهـا
رحمك الله يا اللي مـا لغـت بالظلـم والإجحـاف
عـن الغيبـه بعيـده والنميمـه مــا توديـهـا
رحمك الله يـا اللـي مـا لقفهـا بالخـزا لقـاف
وريثـة مجـد ثابـت والعـرب تعـرف بأساميهـا
رحمك الله يا بنـت الرجـال اللـي لهـم ميقـاف
مسجّـل بالذهـب فـي حاضـر الدنيـا وماضيهـا
نزيهة عرض .. محمودة سجايا .. من بيوت أشراف
شريفة والشـرف ترجـع جـذوره فـي مجانيهـا
بعد صامـت وقامـت وأستقامـت حافهـا حـواف
براهـا ليـن فاضـت روحهـا بيديـن باريـهـا
دعونـا منـزل الفرقـان والأنفـال والأعــراف
عن النيـران تحـرم عقـب راحـت عنـد واليهـا
عليها رحمة الله عد مـن حـج وسعـى واتطـاف
عساهـا دعـوة ٍ بأفضـل شهـر ربـي يلبيـهـا
أعزي نفسي بنفسي .. وأنـا أعزيّـك يـا نـواف
لا عزيّتك رجعت أكضـم علـى نفسـي وأعزيّهـا
الخبر كان فاجعه
وقصيدتك مؤثره
الله يرحمها برحمته ويسكنها جنات النعيم ويصبر اخونا نواف
لاهنت على مشاعرك الصادقه