السلام عليكم ،

تعبير بسيط .. بعد وفاة والدة اخي العزيز نواف نايف
أسال الله ان يرحمها ويغفر لها ويسكنها جنان النعيم مع عباده الأبرار

والشّعر مايوفي والله .. لكن الحمدلله على قضاء الله


[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
عليك خلاف وإلاّ يا عيوني ما عليك خلاف=يا كم عين ٍ تظاهر بالسرور وحزنها فيها

وأنا والله ما ألوم اللي تغيض ودمعها ذراف=عليك الله وأمانه والعباير لا تخبيـّها

من البارح سهيره والدموع اللي على مهياف=تقول أن السهّر ماهوب سامح لك تهليّها

فجعك اللي فجعني والقضاء ترضابه العراف=قنعنا بالمنيّه .. والمنيّه ما ندانيها

رحمك الله يا اللي سيرتك في قمة المشراف=تغشاها البياض من أوّل السيره لتاليها

رحمك الله يا اللي في دروب العيب ما تنشاف=خذت من ستر ربي بالكرامه ما يغطيها

رحمك الله يا اللي ما لغت بالظلم والإجحاف=عن الغيبه بعيده والنميمه ما توديها

رحمك الله يا اللي ما لقفها بالخزا لقاف=وريثة مجد ثابت والعرب تعرف بأساميها

رحمك الله يا بنت الرجال اللي لهم ميقاف=مسجّل بالذهب في حاضر الدنيا وماضيها

نزيهة عرض .. محمودة سجايا .. من بيوت أشراف=شريفة والشرف ترجع جذوره في مجانيها

بعد صامت وقامت وأستقامت حافها حواف=براها لين فاضت روحها بيدين باريها

دعونا منزل الفرقان والأنفال والأعراف=عن النيران تحرم عقب راحت عند واليها

عليها رحمة الله عد من حج وسعى واتطاف=عساها دعوة ٍ بأفضل شهر ربي يلبيها

أعزي نفسي بنفسي .. وأنا أعزيّك يا نواف= لا عزيّتك رجعت أكضم على نفسي وأعزيّها
[/poem]


وسلمتوا ،