قصيدة من الإرشيف جارها الشاعر الأخ / عمر بن ردن الأصقة الدويش

فكان لابد من عرضها لإنها إزدانت بمجاراة أخي عمر

اليكم القصيدة :

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
راحو رياجيل الشـرف والمـروه= وجونا رياجيل الدعايه والاعـلام
اللي علـى كـل المنابـر تفـوه = وتدور التعويض في خط الاقـلام
معـاد فيهـا مِــر ولا حـمـوه = تبي تعيش الطيب في جو الاحـلام

معـاد تأمنهـم بطيـب وخــوه = خويهم دايـم مهمـش ومنضـام

واللي يسوق المدح يعطيـه جـوه = لو كان مدحه يشبه لعرض الافلام
الطيـب فالمنعـور ماهـو بتـوه = من طلعة الدنيـا توارثـه الانـام
كل ارجحٍ والطيـب عنـده منـوه = يجذبه طيب الخال مع طيب الاعمام
المدح هـذا وقـت تفريـق نـوه = معـاد بـه مـدحٍ تناقلـه الانـام
الا مثـل مـدحٍ يشيـد عـلـوه = مدح الكريم اللي عن الناقصه شام
[/poem]

ومجاراة الشاعر المبدع / عمر بن ردن الأصقة الدويش لها

[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]

الله على اللـي بالجزيلـه تفـوه = بحروف شعرٍ تضرب الدرب قـدام
خشيت من طيب المثايـل بجـوه = ووقعت لصغار العرب محضر اعدام
اللي تحسب الطيب سهـلٍ سمـوه = بالهرج ولا الفعل مـا دام مـا دام
لامن سمعته قلـت وش هالمـروه = بس التجارب مخذلت فعـل صـدام
ضعيـف للهزلـه تسـارع فلـوه = غشيـم رأي وللجزيـلات هـدام
وللطيّبه يا نـاس ماشـب ضـوه = وللعز ما سارت على دربه اقـدام
عند الـردى دايـم يتابـع حنـوه = كنه على طبع الردى ملـزم الـزام
الطيب فـي تـال الليالـي تشـوه = والمدح صار لصانع الفعل بافـلام
لين الردي حطوه عقـب النبـوه = والقرم مما شافت العيـن منضـام
حسناته اليوم ( ه ) تحول لسـوه = يا محمد الشبعان حيّـرت الاقـلام
لله درّك يـوم شـعـرك تـفـوه = بحروف شعرٍ تضرب الدرب قـدام
[/poem]

تحيتي لكم