يا راكب اللي كن اذانيه حـربه
حرا يسوقون المهرفي ضرابه
يرعى القرار ان طال نبت الزهر به
من الوسم لين الصيف طاحت شرابه
لولا اللواحي عن رديفه زمـر بـه
وليا نهرته بالعصى جـاك مـا بـه
وليا عطى الحزم الجلد كن ضربه
ضرب البرد من مستهـل السحابـه
انسف يمينك (كشب) ترى الجمر به
عط به رقاق مـا تضالـع ركابـه
وعطوه من (عد الموازين) شربـه
العيلـم اللـي من علـى جـال لابـه
والهضب لا تاطاه ترى الخطر بـه
تـراه مدهـال العـداء والحرابـه
واصاحبي باول شهر ويـش قربـه
وثانـي شهـر يابعـد دار رعابـه
وثالث شهر جاب الطروش الخبر به
يذكر من الشعبة الى اطراف شابـه
والخـد بـراق بليـل سهـر بـه
تمطر مقاديمـه.. وتـردم عقابـه
والقرن ذيـل كحيلـة قـدم سربـه
والا الجنايب يـوم هـل انصبابـه
تصبـري والصبـر ماهـو بذربـه
صبرك بصبري لو زمانـه نحابـه
شوقي نحا بالشام والشوق غربـه
من دونـه اللـي ينقلـون الربابـه
ياطير ياخفـاق ريـش شهـر بـه
انشـدك ماعينـت جالـي عذابـه
عهدي بهم والصيف كل حضر بـه
واليوم طلع الغيث مقفـي اجبابـه
واحفض من رد المطيري
ياراكبن حرن كثيرالزعربه = سديس والاطالعن راس نابه
ودورعسيرالمزحمي وين دربه= غليمن بالقوم يتعب ركابه
لقيتها موردها اخوي محمد مشوط وعدلت بعض الاخطاء
شكراجزيلا يبوسعود
|