تذكرت والدي رحمة الله عليه والقصيده قديمه عند وفاته فأردت أن اعرضها
لكم عسى ان اجد من يدعي له في هذه العشر الاواخر من شهر رمضان
:

[poem=font=",6,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا عين هلي فوق ذيك النصايب=دمع الفراق اللى على الروح كايد
هلي بعد صابك من الحزن صايب=يحرم عليك النوم فوق الوسايد
فجعتني يا موت في ادنى القرايب=فجعتني في محزمى والسنايد
أخذت منى ليلة العيد شايب=راع العلوم الطيبه والعوايد
ماغاب ذكره لو عن العين غايب=حبه على نفسي عن الكل زايد
نور العيون امسا سجين الزرايب=وانا سجين الهم يوم المعايد
وآبويه اللي راح رجل النوايب=اللي فراقه شب في الوقايد
وش حيلتي غير الدموع الصبايب=وأنعاه وأذكر عزوتي بالقصايد
راع الكرم والدين ريف القرايب=زبن الضعيف بلين ولاّ شدايد
ياالله انا طالبك من قلب نايب=عبدك لفاك وما كسب جاك عايد
يامخرجه من بين صلب وترايب=تجعله الفردوس في قصر شايد
اللطف بعبدك عن سموم الّهايب=يا خالق الانسان والعمر بايد
ولو العيون تهل مثل السحايب=ما تنطفى حرقات راع النجايد
لكن ضمي دمعتي يانصايب=دمع الفراق اللي على الروح كايد[/poem]