حينما يخون الوفي !
**
**
هالليل حزني ما أعرف وش صابه!
....................... ماهي بعادة ينعزل من دوني!
مدري نسى انّي من حميم أصحابه؟!
........................ ولا زعل لطيوف مامروني؟!
أنا اذكره طيرً وصدري غابة
....................... يفلّ جنحانه بخضر غصوني
وهالليل فاقد مقصلة مخلابه!
..................... وحسيت بالوحشة تظلل كوني!
ماكنْه عرّابي وانا عرّابه!
...................... وماكنه مفتاح الوجل لطعوني!
بالله يا أحبابي تجون أحبابه
...................... ارضاه منهم ؛ كنكم ترضوني
راع الوفا يشكل علي غيابه
....................... والحزن أوفا ناس قد همّوني
|