الغالين بمنتدى المرقاب

السلام عليكم ورحمة الله وبركاته

مشاركتي في مسابقة سيدي ولي العهد... الله يرده للوطن سالما معافا.. لكي تفرح به القلوب

لم يحالفها الحظ حتى في الدخول على اللجنه...

الله لا يبلانا...حتى مع القصايد المستبعده والمكسره التي عرضت آخر حلقه

الله من رداة النصيب....

قلت مدام انها مشاعر شاعر .. اعرضها عليكم علها تجد القبول...

سلامة سلطان


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black""]
يابلادي... والشعور اللي من الخفاق عبّر= ماتصنعته.. ولكن خالقه ربي طبيعه

الوطن ماكنه الا نفحة اليشموم واكثر= من غلاته..لو نبيع العمر والله مانبيعه

والله.. ليبقى العهد (مادامت الدنيا )مسطر= في قلوب الشعب دامنا على حكم الشريعه

المواطن في ذرا الدوله تحمد ويتشكر= انتم حماة الوطن والدار وحصونن منيعه

ويوم جاء نبض المشاعر كنها الورد المعطر= سقتها من خاطر ٍ مسرور وإنقادت مطيعه

في سلامة من سكن كل القلوب الشعر يفخر= ويتساما ويتناما لين وصل للطليعه

في غيابك ضاقت الدنيا وكل الكون كدّر= وبحضورك كن وسم الخير يزهابه ربيعه

استباح الفكر في جيتك والخاطر تبشر= الوفاء لك والغلا ياسيدي كل ٍ يذيعه

مرحبا ياسيدي سلطان يالشهم المضفر= ياوريث العز واصحاب المقامات الرفيعه

مرحبا والشعر في حضرة جنابك لو تمخطر= ماتضيق به الدروب وماتكفيه الوسيعه

للكرم ولا السخاء والجود من غيرك تصدّر= جامع ٍ كل الخصال وكاره اسباب القطيعه

كم يتيم ٍ من عنا الايام كسره ماتجبّر= وكم ضعيف ٍ جاه في دنياه صدمات وفجيعه

جاك ياسيد المكارم وانت لك مدات تُشهر= راعي المدات والفزعات من يجزا صنيعه

الوفاء شامه على صدر الزمن بالطيب يذكر= كل ماقدمت بيديك الكريمه والشجيعه

سيدي.. والشعور اللي من الخفاق عبّر= ماتصنعنه .. ولكن خالقه ربي طبيعه[/poem]