المشاركة الأصلية كتبت بواسطة فلاح آل مخلص
على من يجودون المخاليق
من جوده_
توجه خيال الشاعر وتل مسباحه_
وعبر عن أحساسه والاعصاب مشدوده_
ولاذاق في دنياه سلوى ولا راحه_
كفر بالتزام الصمت واعرض
عن الزوده_
يقين وقناعه والبساتين فواحه_
معه هاجس شواش واحلامه عضوده_
لو ايشوف فرصه حطم القصر واجتاحه_
سباياه عوص القب والمجد لجدوده _
ولايعشق الا كل شقراء وجماحه_
يصوغ النوادر حسب شفه وماروده_
وخوة مقاديم القبايل من ارباحه_
شموخه شموخ وسكته غير معهوده_
ترد السبر وتعود الغزو نصاحه_
يقدي الضرير ويشعم النار بزنوده_
ولايفتهق من تو طيره وملواحه_
يمثل قبايل يام من ثار لاجوده _
دخل فالمحيط وهاج موجه ولاطاحه_
لذا لو تحطم حلمه وضاع مجهوده_
فياويلكم من سطوته يا غثا الساحه_
بيوته على صم الصفى
ترزم حيوده_
ووجهه على وضح النقى
يشحن اسلاحه_
اسلاح يصلح فكر وأخطاء موجوده_
ولا يصلح الا فكر من ياجب أصلاحه_
ياكم شاعر من شانها باحت سدوده_
وشام ورفع نفسه والاعصاب مرتاحه_
وسومه على ذود الغريب
وعلى ذوده_
ولايقهرك فالسارق الا تبجاحه_
لو تورد خيار المجاهيم لعدوده_
خذاها الهيام الا الجسوره وطياحه_
ترى الشاعر الموهوب
ماتنقص بنوده_
ولو ما انسمع له بيت في شاطي الراحه_
يكفيه حب الناس وادراك مقصوده_
على مرقب يشعى المواليف مصباحه
قصيد مضامينه سمينه ومعدوده_
تناقل بها الركبان من نجد للباحه_
الشاعر // فلاح ال مخلص
صح لسانك من نجران الى طريف
ماشاء الله ماشاء الله
تقبل مروري واعجابي