,

وعليكم السلام والرحمه والاكرام .. ,
الاوله : صح لسانك ياعمر مدد ماهوب عدد وسلمت يمينك على ماكتبت / شرفتني بـ هذي القصيده اللي ماتوقعت ان يكون دافعها ماكان بين الاسطر والله ,
والثانيه : بويتات أقل من اللي في الخاطر لكن عزاها انها كيبورديه , لعلها تنال شي من الرضا ,
وعذرها سابقها وسّم :-


:
:


[poem=font="Traditional Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black""]
هلا بـ .. اللي مطاليعه بعيده = بعد ما آسند على اخوه القصيده
كتب ما دك في صدرّه / هنيّا = ماهو :- عبر المجله والجريده
ارحب به من اعماقي واهلّي = عضيد ٍ .. فرحته شوفة عضيده
لو انه يوم غنّا ما ترك لي = من بيوت القصيد .. ولا شريده
آخذ عني الشرايد .. كلبوها = وخلاني كذا ( على الحديده ) !
ومع اني تالي الايام .. كني = معقّل هاجسي .. ما اطلقت قيده
لكن .. الله يجملني , وآحاول = اجاريه فـ .. قصيدته الجديده !
واوضّح له وش اللي في ضميري = وويش اللي بغيته يستفيده ؟
الا يا مشتكي من هجر خلك = ترى الدنيا .. ماهي دايم رغيده
ولا آحدن دايم ٍ فيها .. مخلّد = ما اقول الا عسى سنينك مديده
لكن : الشعر له بعض المواقف = ما تنسى في التواريخ المجيده
آله ماضي وآله حاضر وتبقى = له أمجاد ٍ .. مع الشاعر تليده
تسطّره المشاعر .. في سجلّه = ويجري .. مثل دمّه في وريده
وعيده .. كل ما آحياء ذكرياته = يسج عن العرب لا عاد عيده
وياصل لـ .. لثريا من مكانه = ولا شي ٍ .. مع افكاره / يكيده
هذا ما دار في بالي .. وقلته = وشاكر لك .. مساعيك الحميده ![/poem]