السلام عليكم ورحمة الله وبركاته ,,,

اسعد الله اوقاتكم ,,,

مصافحة اولى اتمنى ان تنال اعجابكم ,,,

[poem=font="Simplified Arabic,6,blue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
صوت النجر ومخايل النوق و البرق=وطلع المنابت من صدوق المخيله
وريح الخزام وهبت النود من شرق=وكيفً يداو الراس بنه وهيله
تشرح صدر ضايق وتطفيلها حرق=وتجلا هموم اللى حموله ثقيله
هذا وعرقي بالحشى طارقه طرق=حبن سلب عقلي وضيع دليله
كن الخفوق إليا تنفست به شرق=وهم الخلايق كن راسي كفيله
سبة هنوفن بيني وبينها فرق=اسرجلها مهر الحروف الاصيله
ينوح قلبي كل ماناحت الورق=ويفز شوقي للعيون الكحيله
وش حيلتي غير الهواجيس والطرق=ونضم الحروف بغايتن مستحيله
المشكله من عاش في حيلة الدرق=يختال خله و الظروف تعنيله
رمح الخطا لا ما توانا عن الزرق=وسيف الجفا من دون خل وخليله
بيني وبينا بحور وامواجها غرق=ومن راح من دون الهوا عزتيله
يا هاجسي لا جيت رجم الهوى ارق=والذيب فوق الضلع يسمع عويله
صابر واكابر و المحاني بها سرق=وياطول همي و الليالي طويله
غيمة شقى هلت وفي برقها حرق=وباين على رجمي بواقي مسيله[/poem]

وسلاامتـكـم