وانا ادري وانت تدري والعرب تـدري ولا تـدري
بأن الشـوق شريـان الغـلا وان الغـلا فطـره
جعل من لامنـي فيـك يتطايـر خافقـه بـدري
ولا يبقى ليـا هـب الهـوى مـن خافقـه وذره
عشان يعرف وش قصة غـرام العـش للقمـري
ليـا رفـرف جناحينـه ورى بغـداد والبصـره
حبيبـي ياثمـر تاريخـي الميـلادي الهـجـري
ياقطره مالها غيـري بحـر يابحـر فـي قطـره
عشقتك كثر مايعشق مصر مـن قلبـه المصـري
كثر ماياخـذ العاقـل مـن ايـام العمـر عبـره
كثر همي كثر عزمي كثر حلمـي كثـر صبـري
كثـر مايبكـي المومـن بربـه لا ذكـر قـبـره
ولو تدري عـن القلـب المولّـع كـل ماتطـري
كأنه طار في كفّيـن صوفـي يعشـق الحضـره
وصار بكل فخر يبث لك نبـض الوفـا حصـري
ويمكـن لا تطـوّر يمكـن يـزورك بعـد فتـره
ولا الومـه لأن اللـي يشوفـك ماجحـد عـذري
جمالك يرخص بعيـن الفراشـه قيمـة الزهـره
كلامك سدر واحساسك بخور و جوهـرك فطـري
ودمك مسك ولسانـك سحـاب وخافقـك جمـره
وعينك سحر وعروقك سـلام وخاصـرك عفـري
وروحك نـور وافكـارك جبـال وشفتـك خمـره
وزفيرك شيح وايدينك نخيـل ومنطقـك عـذري
وجلدك ريش وعظامـك قطـن ومغازلـك نظـره
عرفت اشلون وصفك شي مايوصف وانا مـدري
كأني ماخذيت مـن البحـر كلـه سـوى قطـره
صح لسانك يافصيل السواط
قصيده تستحق الاقتباس كلها كل بيت ازين من الثاني
صح لسانك لين ترضى
تحيتي لك
|