( اسف على غيابي ظروف فوق طاقتي يعلم الله فيها )

[poem=font="Traditional Arabic,6,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يوم إني افرح به وأحب أتصاله=مايتصل بي سمني بالجفا سم
وان قلت كلمني تضايق لحاله=وان قلت زرني كنني طالبه دم
وأجيه لامن صار مرتاح باله=وأعاتبه في منطق المدح والذم
وأقول له رد الجماله جماله=مهتم فيك وشايفك غير مهتم
ويردني لله جلا جلالــه=يقول ذا طبعي مع الخال والعم
عذره مثل وردٍ نبت في زباله=ماعاد يصلح للتناول وللشم
ويوم اقتنعت ان الصلاح استحاله=ومصير شرهاتي كما الملح بالجم
صدّرت في فالي وصدّر بفاله=هو راح في يمٍ وانا رحت في يم
واليوم ماني فارحٍ في وصاله=مسامعي عن واجبات الجهل صم
ولا عاد يسعد ناظري في قباله=ياكيف يسعد راعي الهم بالهم
أجتزت في حبه حدود الثماله=واليوم بحدود المساحه من الفـــم
الحب والتقدير ماهو عداله=من صوب واحد ياهل الكيف والكم
الفرض بشروطه يتم اكتماله=الفرض لامنه فقد شرط ما تم
لو كان انا مغرم بحب الجهاله=اللي على الفطره يبعثر ويلتم
من جربه يصعب عليه اعتزاله=نشوان ممزوجٍ بالافراح والغم
والحب هذا ظمني في ظلاله=وأحاول اسعى وأتخلص من الظم
واعيش في قلبٍ توفى كلاله=وحبٍ بقى ماله وريثٍ سوى الطم
.
.
وليد العمودي
[/poem]