.
.
هلا باللي لفاني من غروب الشمس للإشراق
هلا باللي سريته بـ اعذب إحساسي وساريني
هلا من مُرهف إحساسي هلا من خافي الأعماق
هلا من كل قلبي,من عروقي, من شراييني
هلا من كل شيٍّ في حياتي يمتلي اشواق
هلا من كل دمعٍ لجل شوفك! تسكبه عيني
هلا من صدري اللي دام حبك داخله! ماضاق
هلا من خاطرٍ يرسم غلاك إبـ دفتر إسنيني
هلابك من عروقٍ تحتويك بداخل الخفّاق
هلابك من خفوقٍ عاشقٍ ذِكرِك وناسيني
هلابك ماتكاشف مثل وجهك صافي البرّاق
هلابك وانت! شاااامخ للسما والنور غاشيني
هلابك كثر قطرات الندى,والورد,والأوراق
هلابك مـ انتشى ريح الخزامى والرياحيني
هلابك ما لجل وصفك.. صحيح إتّفقَت الأذواق
هلابك ماخضع لك في زمانك من سلاطيني
هلابك ماتمنّو نظرةٍ من عينك العِشّاق
هلابك ماضُرِب فيك المثل بين المزاييني
هلابك ماتحاكوبك ونَشفَت لجلك الأرياق
هلابك كثر موتي فيك..وآشوفَك وتحييني
هلا مـ انساب سحرٍ يوسفي من نظرتِك وإنساق
هلا ما خَذت مني يابعد عمري وتعطيني
هلابك كثر مازاد الهوى داخل حشاي وفاق
هلابك كثر ماقال العواذل بينك وبيني
هلابك كثر ماني لجل شوفك والهٍ مشتاق
هلابك كثر منته ياحبيبي والهٍ فيني
هلابك ما اجتمع خلٍّ وخلّه عقب طول إفراق
هلابك ماتلاقينا وجات إيديك بيديني
هلابك,ثمْ هلابك,ثمْ هلابك.. توّ جوّي رااااق
هلابك,ثمْ هلابك,ثمْ هلابك.. يامهنّيني
.
.
|