منتديات المرقاب الأدبية - عرض مشاركة واحدة

07-10-2009, 09:45 AM

(( محمد بن بلال )) أبزبن ركنه الدافي :Icon24:
[poem=font="simplified arabic,5,blue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القيض في نجد ماعنده محــ . ــنيه=هواه يصلخ وجيه الناس ياكافي
من قو شمسه تجود اللحمه الــ . ــنيه=يامشتكي من سموم القيض والسافي
أقفت صبا الصيف والريح اليمانيه=وحرارة الجو قامت ترجع أخلافي
واهني من قزره بجنيف وهــ . ــنيه=من اوله في بلاد الغرب يصطافي
له عن لواهيبه أمع الغرب عانيه=حتى يقال له نجم سهيل ينشافي
شافوه فالمملكه شيعه وســ . ــنيه=وبعد الخبر وكده من راس عرافي
يمر خمسين ليل ويعقد الــ . ــنيه=يرجع بستر الله لمرباه متعافي
ويالله الأرض أرضك ولاهيب معــ . ــنيه=بذنوبنا مع دخول الوسم يالكافي
أسق الثرى يبّس الأغصان محــ . ــنيه=وأسق البهايم ماغيرك يعلم الخافي
قامت تخيل البروق أهل العمانيه=لعل غر المزون أتعل الأريافي
اللي مراحه به الادباش مقــ . ــنيه=أمن الغلا باعها تجار الأعلافي
لوربعت حط خيرتها بصيــ . ــنيه=والبرد هبت نسايم جوه الصافي
وأهل بيوت الكرم والعز مبــ . ــنيه=للنار فيها تدهمر ؛ والحطب وافي
على سناها دلال الكيف مجــ . ــنيه=من بن صنعا ملاها . عدم الاوصافي
يملا فناجيلها وتساق مثــ . ــنيه=من كفه لكل وافي باع وأسنافي
ياصل طوال اليماني من يمانيه=ببهارها للضرم / هيل الحبش شافي
مازله بزمزمية حفظ صيــ . ــنيه=ولاأغناه عنه الكبتشينو ولا الكافي
في إباحة إدمانه الأحكام ديــ . ــنيه=توارثوه العرب من ماض الاسلافي
وأنا براسي من أمس أفروخ جــ . ــنيه=يوم أتقهوى لها في راسي أشعافي
ماتشتقي بالهجوس القلبانيه=اللي قصايد أهلها مالها اهدافي
واللي ماترجع على عشره ثمانيه=تلقى ببرد الشتا / في شعره ألحافي
وأنا لياأشتد برد المربعانيه=وهبت سحيته علي وجاني أرجافي
(( قوافي { محمد أبن أبلال } فــ . ــنيه=في شبة النار )) أبزبن ركنه الدافي[/poem]