بسم الله الرحمن الرحيم

أسعد الله أوقاتكم بكل خير

ياهاجسي حلّق كما الطيارة = على بحور الشعر وأعمل غارة
لو كثرة الغارات فوق بحوره = كلٍ له أسلوبه بطرح أفكاره
وأنا من الشعار وألي أسلوبي = كتبت بالخط العريض شعاره
مجموعة الترديد ما ني منهم = ما أمشي بدرب ٍ ثار عج غباره
اذا مشيت أمشي طريق لحالي = ما ناش حزمه جرة السيارة
واذا لقيت اللي تناسب شفي = نخيت هاجوسي وولع ناره
وأقوم أدايرها وعيني فيها = لين إن عبرودي يصيب الشارة
في روضةٍ قد ناشها وسمية = فيها الخزامى فايحات أزهاره
تعجبني الألحان وأسري معها = يصيبني بعض اللحون بزاره
ياسرع ما يغمى عليّه وأصحى = والصبح ما فجت علي أنواره
واذا بدى بدر القصيدة كامل = والطرقي العابر وصل مشواره
ماني من اللي يبعدون السجّة = في سرمدية كنها الدوارة
يتعب عباد الله ويتعب روحه = لين العرب ما تلتفت لأشعاره
ياهاجسي تم الكلام ويكفي = خير الكلام اللي ينوب قصاره

ترجمت ما في خاطري من معنى = عزفت من نظم القصيد أوتاره