[frame="7 80"]
ابانصحك يالي تــدور وتلـفـي=انته تحت وانا بـروس المراقيـب
عاقل لاكن انتـه هبيلٍ مصفـي=ماهوب انا الي يقرب الشك والريب
يالي تولـع نـار مـدري تطفـي=يالي تعذرب وانت كلـك عذاريـب
منتب هوا بالـي ولانتـه بشفـي=منته مـن الظيفـان ولاالمعازيـب
الي حصلـي مـن زمانـي يكفـي=حتى الثعل قام يتطاول على الذيـب
يانفس شومي في زمانـك وعفـي=هاذا زمـان البهذلـه والتعاجيـب
انا احسـب كـلٍ يوقفـي بصفـي=لاخير فلـي يتركـون المواجيـب
الكـل منهـم بلـوفـا مايـوفـي=مثل الحزام الي رصاصه مكاذيـب
الله علـم ويـش اليالـي تخفـي=سبحان منهو يعلم السـر والغيـب
نظـرت لدنـا بنـظـرت مقـفـي=نظرت تامل تحضر اوقات وتغيب
صكات بقعـا كلهـا فـي ملفـي=شيبت من كثر العنـا والتجاريـب
لولا السلوم اخـذت شفـي بكفـي=اما تجي بلغصب ولا تجـي طيـب
[/frame]