[poem=font="Simplified Arabic,5,gray,bold,normal" bkcolor="transparent" bkimage="" border="none,4,gray" type=2 line=1 align=right use=ex num="0,black""]
يا صاحبي فـ / الحزن .. والدمع .. والصمت=فيك العزا يوم العزا فـ / البشر ضاع !
أشكي عليك من المواجع .. ولو لمت = في قفر صدري لـ / الملامات مرباع !!
كم لي وأنا آحس بـ / وجع .. ما تألمت=طبع .. ومن يقدر يغيّر فـ / الأطباع ؟!
كل ما إنجرحت من الليالي .. تبسمت=في بسمتي .. الوجه الأجمل لـ / الأوجاع !
ومن كثر صدمات الهوى .. ما تعلمت=لو مرّ في صدري .. تحضّنته بـ / ساع !
كنت أتروّع منه .. حتى تأقلمت=تزيد صدماته شراسة .. ولا أرتاع !!
طعت الهوى حتى كسرني .. ويمّمت=القلب عنّه .. لكن القلب ما طاع !
وفي حق نفسي كم جنيت .. وتندمت=وعيون خلق الله على الزلّة وساع !!
سكتّ ، وما ضاقت عيون .. وتكلّمت=ولا أحد يصغي لا تكلمت .. الأسماع !
قلت أبتسم ضيقة .. وأعوّد على الصمت=واللي بـ / بقلبي .. ما درت عنه الأضلاع !![/poem]
|