|
لا تحتزم باللـي ضلوعـه هشيشـة لـ ( عبدالله بن زويبن)
السلام عليكم ورحمة الله وبركاته
اسعد الله اوقاتكم بكل خير قصيدة للشاعر عبدالله بن زويبن اتمنى ان تروق لكم .
[poem=font="Simplified Arabic,4,darkblue,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
ياراكب اللي يـوم تسمـع وشيشـه=وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة=وتبيـن أنيـابٍ سـوات المناقـيـش
يمرج مع البيـدا إمـراج الخريشـة=إلى أمرجت بين الوحش والنواحيـش
مـن عقـب ماهـي للمنايـا وليشـة=بين الصقـور ومبهمـات النواتيـش
حيت حياة اللـي بتالـي الحشيشـة=عقب الدرك شرب القراح النقاريـش
جمسٍ يربح كـل مـن حـط شيشـة=يتعـب بتعبيتـه طـوال الخراطيـش
إلى وقف يكـوي الكبـود الغشيشـة=وإلى مشى ما يلحقه مومي الريـش
برقٍ من العارض جذبنـي رعيشـه=يـوم يتـلالا بالمـزون المراهيـش
وأثره ما يسقـي الكبـود العطيشـة=يبرق ويرعد مير مدري على ويـش
لا تحتزم باللـي ضلوعـه هشيشـة=اللي ليا سمع النـداء صـد تطنيـش
لا تحتزم بـه لـو تحيـزم بخيشـة=ما يقطع الدِيـان ركـض الأكاديـش
وبيتٍ بليـا سـاس مثـل العريشـة=يطيح لـو لمـع ببويـه و ورنيـش
وجرد السهـال الخاليـات الوحيشـة=اللي تطوى في شجرهـا الحنافيـش
أخير من ضله وبعض المعيشـة=يعافها الطيب ويفرح بهـا الديـش
وقال المثل مامن ورى طلع بيشة=عيشة وراس الضبي ما به عراميش [/poem]
لكم فائق احترامي وتقديري ...!!
يقول صديقي الشاعر والاعلامي القدير نايف بندر:
الاثرياء بشوت وارقام وابراج =ورغباتهم مابين سري وعاجل
لاتستضيق ان عشت كادح ومحتاج=الفقر فالغالب. ضريبة مراجل
|