عداك اللوم . ما لمتك ! ترى لومي على الأيام !
يقوله ! من تعب و أتعب من المشوار رجلينه !
يقوله ! ما يبيك تضيق دامـك مصـدر الإلهـام
لو انـك تقدريـن اللـي يبيـه و لا تسوينـه !
تعود يخلق اعذار الخطـأ للنـاس قبـل ينـام !
و تعود يبتسم للـي يحبـه لـو بكـت عينـه !
قنوع و شافك الحلم الوحيد و همـل الاحـلام !
ركض / يتبع عناوينك ! و هو ضيع عناوينـه !
جرحتي ! صار لجروحك مثل ما لك مكان هـام !
جمل في طيحته سكينك أقسى مـن سكاكينـه !
خصوصية حضورك جوها سايد بـ( جو العـام )
يا ليت أقدر على قلبي و اعرف اشلون تحصينـه
تقوم اعلام في لحظة ! و في لحظة تطيح اعلام !
تزين سنين في لحظه و في لحظه تجي شينـه !
تكسر بك قلم ! وشلون بأكتب ( رفعت الاقلام ) !
وانا باقي بـ( قلبي ) سر ما ادري وين تدوينه !
الله الله الله الله يا ابو نافع
ابداع وامتاع وشعر يروي ويشبع ... الله يزيدك من فضله
صح لسانك عدد حروفها ولك محبتي واعجابي ومتابعتي
اخوك
|