مخايل

[poem=font="Simplified Arabic,5,crimson,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الحزن تعبير . والدمعه خلاصة شعور = والشعر مثل الدموع . وصدق الاحساس غير

هذا اول الغيث يا حبر القلم والسطور = مبطي وانا اردّ مافي خاطري واستخير

تعبت والوقت ينبش في قبور الصدور = واسرار الايام لو طال المدى وسط بير

الى متى ؟ والاماني كذب . والصمت جور = و ( رزنامة العمر ) حتّت من ورقها كثير

وين انت يا أغلى ظلامٍ ما يساويه نور؟ = صاحِبك ودّه يكمل كل عمره ضرير

ياصاحبي دونك القى الذنب ..| والعرف ..| سور = والنفس يا حبّها للذنب . و القلب طير

اي والله اني تعبت ألفّ حولك وادور = ماودّي اسمع جوابك عن سؤال المصير

شفها تساقط من عيوني كبار الامور = و اشوفك اكبر من الحاجه وحلم الفقير

اشتقت لك . يا قراح الما وصوت الطيور = الارض جردا ويغشاها.. الضما . والهجير

تعال . واكسر بحلو الذكريات الغرور =( اقولها ). والاماني في رمقها الاخير

وجه الحياوي لعب فيه الزمان الجسور = واللي صفالي من الايام قلب وضمير

الحاصل إني عجزت القى لذنبك طهور = واستغفر الله بعض الصبر مافيه خير[/poem]

لــ سالم حمد

المرأة تبقى. مرأة
ومن تقول انها لا تحتاج إلى رجل في حياتها.
فهي. كاذبه.
أو لم تكتشف هذي الحقيقه إلى الان. ?.