الموضوع: جنــــون
عرض مشاركة واحدة
قديم 27-10-2009, 07:09 AM   #6
دارين
(*( عضوة )*)

الصورة الرمزية دارين
دارين غير متصل

بيانات اضافيه [ + ]
 رقم العضوية : 1593
 تاريخ التسجيل :  May 2007
 أخر زيارة : 08-03-2013 (05:32 PM)
 المشاركات : 6,536 [ + ]
 زيارات الملف الشخصي : 17892
لوني المفضل : sienna



لاتعلمون حد


في بعض الأحيان يصيبنا غباء مؤقت او نسيان فجائي .. قد يمتد لثواني او دقائق ..

ولا اعتقد ان في الامر خطورة صحية علينا >>> الاخت دكتوره

فهناك اسباب كثيرة تدفع الانسان ليغرق في ذاته و ( يفهّي )



قلت ماقلت لابرر موقف حدث لي .. اقراؤه و ابتسموا ..


و


لا تعلمون حد



مرة من المرات تجمعنا حول القهوه والشاي والحلويات
تنقلنا بالمواضيع لين تكلمت وحده عن الأدوية وضرورة استشارة الطبيب
وقالت ( مايصير ناخذ دوا من الصيدليه بشكل [ عشماوي ] >>> تقصد عشوائي
ابتسمت لكنها عادت الجملة مرة ومرتين وثلاث
وانا خلاص ماقدرت اخفي الضحكة
قلت اتفلسف شوي واعدل لها الخطأ

لكن المصيبة ,, ان الكلمة الصحيحة طارت من راسي ..
واعيد جملتها [ ايه كلامك صحيح .. ( الروشته ) ضرورية .. وغلط نشتري الادوية بشكل ( عشـــ .... ]
انقذني تداخل النقاشات .. ولا كانت حتبقى فضيحتي بقلاقل

حاولت اتذكر الكلمة لكن مافي امل .. مخي توقف عن العمل لحظتها
اهمس لنفسي (( عشما .. عشئا .. عشيا.. ياربي على طرف لساني ))
بالاخر قلت اسكت وانطم .. دام محد منتبه .. ولا من شاف ولا من دري


طبعا جلست اندب حظي , يافضيحه ..وين الثقافة وين .. راح تعليمك هدر ..
ومن هالكلام اللي يثبط الهمم و يحبط العزائم :Icon24:

وعلى فكرة

كل هذي الصراعات خفية .. يعني بيني وبين نفسي ..
اللي حولي راحوا لموضوع ثاني, وانا وجهي راح الوان







*
*




طلب عاجل


اللي ابتسم يدعي لي ..
احتاج لدعوة بظهر الغيب اليوم وكل يوم




 
توقيع : دارين


رد مع اقتباس