منتديات المرقاب الأدبية - عرض مشاركة واحدة

28-10-2009, 11:26 PM

.
.

أما الشيخ الشاعر : سعيد بن عويض آل مهود الروقي عاش في عالية نجد والطائف ,وكان ماله قليل يرحمه الله وفي أحد الأيام جاءه ضيوف عزيزين عليه ولهم قدر كبير عنده ,فأرسل ابنه إلى رجل لديه غنم ورجع ابنه يقول:لقد رفض الرجل طلبنا ياوالدي وقال أنه يطلب منك دينًا لم تسدده فأخذ بندقيته ورهنها في قيمةالذبيحةالتي قدمها لضيوفه ,وقال هذه الأبيات الشعرية:

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قم ياسعدوأشعل لناواهج النار = ربع لفوا ولهم علينا حقوقي
وذبيحة الخطار جت بم شنكار = تسليم حاضرماش فيها فهوقي
وهبت هبوب الخير من وال الأقدار = رب لعبده بالعطايا سبوقي
والقل مايمنع طويلين الأشبار = عن سابقةخيرًا عليها الشفوقي
يشبع بها اهل البيت والضيف والجار = ويلحق بها المصبح بوقت الشروقي
والرب يرزق كل خير بخطار = وفرحات قلبه مثل لمع البروقي[/poem]

اما وحيشه المشلحيه من قبيلة شمر عندما أدهرت نجد بأسرها ورحل ابن هذيل ومن معه إلى نقرة أيوب(نقرة أيوب بين سوريا وتركيا)بسبب الجفاف والجوع وقلة الامطارفلم يبقى في ديرة ابن هذيل سقف الا الضعفاء والمساكين وكانت وحيشة ممن بقي في سقف!!

المهم غاروا عليهم القوم ونهبوا حلالهم واراضيهم ومالهم ونخيلهم مابقوا لهم شي ووحيشة جالسة تحسّر على حلالهم الي راح وتوجد على ابن هذيل أميرهم لو كان عندهم مانهبوهم القوم ,

قال لها ولدها: يمه!!

قالت: نعم!

قال: أشوف الشيب كثران براسك

قالت آآييه!!

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
قالت وحيشة ياملا ليه ماشيب = وغرس الجدود الي غدا وقت الإفلاح
ياغيبة أبن هذيـل ياغيبـة الذيـب = شفنا النكاير والنكد عقـب مـاراح
ياراكب حمـرا تجيبـه تحاضيـب = تجدع يديهـا بالخـلا تقـل زنـاح
اربع ليال صـدق ماهـن تكاذيـب = تلفا ابـن هذيـل كسـاب الامـداح
قل ديرتك سقف ولتهـا الاجانيـب = روح عليها من الشعب كل مصلاح
تنخـاك ديـم ياذعـار الاجانيـب = ياعين قنـاص علـى مذلفـه راح
جانا ظعنهم مـع دبشهـم جناديـب = وصار الخطر منهم علينا بـالارواح
عجل علينـا ياحصـان الاطاليـب = لك هدةٍ تاخذ مع الخيـل مصـلاح [/poem]

ويقولون يوم وصلت القصيدة لابن هذيل عقب فترةوهو يشاور الي عنده ويقوله :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
وش هقوتك مداد من نقرة أيوب = العصر مايمسي حوال الغزالة
فوق أشقرٍ طلق الذراعين مرعوب = أسرع من الشيهان معلف عياله[/poem]

قال: لا وينك ووين الغزالة بينك وبينه ما يبيد السمينة

وابن هذيل صحيح كان فارس لكن ماكان يقدر على هالحناشيل (الحراميه)لحاله لازم جماعته معه وهو يفرك غرابة الشداد ويرتكي عليها, وبعدها صبوا له القهوة ومدوله الفنجال ويقولوله" تقهو يا الامير,تقهو يالامير, ما رد عليهم ..يوم حركوه وهو يطيح لمار هو ميت بسبة هالنخوه القشره فمات من الحره لان المره نخته وهو مايقدر يسوي لها شي وهو بعد بنقرة ايوب ويبيله ايام على مايوصل لديرته سقف .. وهالقصيده تدل على المرجله والنخوه التي اعتاد عليها اهل البدو قديما وحاضرا

اما نوير بن شمران البلوية عندما حل الليل وقامت الهواجيس تجيها يسار ويمين فتمنت فنجال من القهوه يزيح عنها كل هوجاس وعله فقالت :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
واقلبي اللي به هواجيس ترعاه = من رعيهن ما يمرح الليـل لله
الله على فنجال وامقيسـا مـاه = واليا شربته تنتهـي كـل علـه
البن عند اهله تقهويـك ثنـواه = وعند الشوايا مايقهويـك كلـه
تقنع عن الشاوي ليا شفت مبناه = بيتـه كبيـر ولا يقيلـك ظلـه[/poem]

أما شاعرنا سعود الجمعان المطيري فقد حصل له موقف مضحك عندما كان بالمسجد وبعدما سلم الامام قام شحاذ يشتكي أموره على المصلين لعلهم يساعدونه وهو يتشكى كان مركز بعيونه على شاعرنا سعودجمعان فقال له سعود :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا ابن الحلال اللي تشكى علينا = حنّا لنا بوضع على الله مشاكيه
كانك تحرى للعطا مـن يدينـا = عزالله إنك عندنا ما أنت لاقيـه
ماهو ردى بس أرثع الوقت فينا = ماعندنا ماناكلـه دون نعطيـه [/poem]

وكذلك في احد الايام كان الشاعر سعود طالع من المسجد ووجد امرأه رافعه يدها تترجا الصدقه فقال لها :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يابنت ياللي بالمساجد تطوفيـن = كفي يدينك قبل نأخـذ ريالـك
حنـا ترانـا كلنـا مستحقيـن = ماهو أنتي اللي مستحقة لحالك
لو لا الحيا شفتي وزانك ثلاثين = أحد يمين منك وأحـدٍ شمالـك
مرفعيـن إيديننـا ومتقاعيـن = الموجب إن أحوالنا مثل حالك [/poem]

وأيضا لشاعرنا قصيده يعاتب به جده رحمه الله :sniper56:

فيقول :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
لاصار جدك ماترك لـك ملاييـن = ماهوب لازم تشتري لـه ضحيـه
قل له ياجدي جعلك من المناجيـن = والله ماتسـوى قيمـة البربـريـه
عقبتني للديـن ومصـارع البيـن = ومن زين طبعك كاتبٍ لك وصيـه؟
لو أنت ما أخذ لك من الخد حوشين = يوم الأراض بلاش وسـط العليـه
إن كان تلقاني من أهـل الدكاكيـن = مطنطـخٍ هالحيـن ميـة بمـيـه
لكـن ياجـدي ضحيتـك بعـديـن = إن سهـل المولـى ثمنهـا عليـه
حنا بوقتٍ شين وأشين من الشيـن = فيه الخـوي ماعـاد ياثـق خويـه[/poem]

اما الشاعر زيد بن غيام كان جالس ضيف عند أحد البدو عندما كان في طريق سفره , وكان شاعرنا جائع جدا ,وولّم البدوي راعي المجلس القهوه للشاعر , وطلب من زوجته أن تحضر الغداء للضيف وستأذن من الضيف ليقضي شغله ويعود, وأحظرت الزوجه الغداء , وهو عباره عن جريش ولم يكن عندها غير هذا الغدا. ووضعته للضيف وخلت ولدها الصغير يتغدا مع الضيف, وفي وقت الغدا قال الشاعر زيد يصف حالته القشرا :

[poem=font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
ما تردّى مير خانت به حريمه = ما تريٌض لين يخلص لي غدايه
حط لي لقمت جريش الله يديمه = ما عليه إيدام يلصق في حشايه
أنهبه والورع ينفذ في بريمه = وا غداي الشين واخيبة رجايه
عارفينٍ ما ورى رفعه عزيمه=ما تثوّرها العصى فيها حلايه[/poem]

ولما جاء راعي المجلس واسمعه, مسك زوجته رفعه ومدها فالعصا, وطبعا هذه من قرادتها جاها ضيف يتشرط بالاكل لو انها مخليّه غداه أندومي أبرك :Icon29:

هنا اختم موضوعي لهذا اليوم وأتمنى أنه حاز على رضاكم

أجمل تحيه
و
ج
د