يا بعيده

يا أبعد من المس وعيوني ضمايا

ما تشوفك بس من دمعي ملايا

كل ما مرت لنا ذكرى جميله

صاح قلبي

وكل ما سامرت طيفك .. كل ليله

قال قلبي :

القمر لو ملّ ليله .. عاشقك ما ملّ ليله

ساهرك .. ما كلّ ليله

وأنتي الغايه .. وهجرانك وسيله ../ لأنسحابي

من ملذات الحياه وكل مابي

من حياة وأمنيات وضحكة شفاه البنات .. وقلت مابي

يا بعيده

بسألك / أنتي سعيده؟ في غيابك؟

بسألك / أنتي أكيده؟ في ذهابك؟

وأسألك / أنتي عنيده؟ في أيابك؟

في غيابك ..

ما أظن السعد والفرحه .. معاك

صح راحو معك عني .. بس خلوك بشقاك

في ذهابك ..

ما أظن أنك أكيده كانت دروبك خطاي

رحتي وجاني بدالك .. سيل دمع وحزن ناي

في أيابك ..

قلت عندك يمنعك وأحساسي بعندك صدق

كان قلبي يسمعك وعتابك / الام وقلق

يابعيده

ليت صوتي ياصلك .. والصوت يخنقه البعاد

مخنوق وحروفه تقطّع .. لام لام وصاد صاد

يآآ يـ هـ د

شفتي شلون الحروف تموت مخنوقه ببعد؟

يابعيده

ليت توصلك القصيده

ويتنّهى سعيد بسعيده .. بلحظه

ونذبح الظلمى .. بومضه

وأنتلاقى ..

وتقربين