:
:
إحساس آت / 6
طق طق طق
مين ؟
فيه وظيفه ؟
وبكل نظرة إزدراء : مافي
وبكل معنى إنكسار
لو سمحت : ودي بلقمه نظيفه
:
جامعي
والجوع كافر
واكبر اخواني
ولا ودّي أسافر .. بس أعيش ..
صابني من مجمل أوضاعي ملل
بوي له عشرين عام
طاحت عيونه قهر
واحترق من دمعته كرسي الشلل
وأمي عجوز
تجمع أشياء وبقايا من طعام الحي
من سطل الزباله
:
وش (زباله) !!
آسف آسف ياطويل العمر
يمكن اني قلت كلمه حق
من باب الجهاله
مايجوز تقال لاصحاب
الفخامه والفضاله
بس ممكن تاخذ اوراقي
:
وبكل قرف : هات ياأخ الملف
بكره تجي
وكل يوم يروّح لبكره
وبكره ما يجي
لين أدمن (بو ملف)
:
وعاد للمتغطرس اللي عشمه
لو سمحت !!
يووووه يااخي ماقلت لك مافي وظيفه !
لالا ماابحث عن وظيفه
انت ماعندك مفاتيح العلف ..
بس لو ممكن ابي خمسين من عندك
(سلف )
:
: