[poem= font="Traditional Arabic,6,black,bold,normal" bkcolor="transparent" bkimage="" border="none,4,gray" type=1 line=1 align=center use=ex num="0,black"]

يالله دخيلك لاتوقف حاجتي عند الرخوم=اللي سواد اقلوبهم اسود من الليل العتيم

في رحمتك ماضعت والمقسوم يتلاه القسوم=فالارض نمشي والسبل بيدين رزاقٍ عليم

ماهمني جمع الذهب يوم الذهب شق الهدوم=اكبر همومي ستر لايمكن يعريه اللئيم

لو فكر الانسان في حجم الكواكب والنجوم=ماشفت حجم اكبر من المحتاج في عين الكريم

ويش انت ياللي مرتقب لي كل مانوّيت اقوم=اثر ابتسامات العرب احيان نارٍ فالهشيم

لو انها مابين ايدينك كان مايلحقك لوم=لكن على الله متكل والعلم يفهمه الفهيم

اقف مواقيف الشرف حسب العوايد والسلوم=يوم ان غيري شغلته نقل الحكي مثل الحريم[/poem]







.

.

.