[poem=font="Simplified Arabic,4,darkred,bold,italic" bkcolor="transparent" bkimage="" border="none,4,gray" type=1 line=0 align=center use=ex num="0,black""]
صباح الخير يا غصنٍ ليان وهزعته النود = تما يل كل ما هب النسيم العذب داعبها
ولا يا بري حالي ون ذكرتك يا نعيم العود = بعد صحوة ضميرٍ حي زار النفس ونبها
يأنبني ضميري من فراقك يا اخر العنقود = يحملني خطاء الفرقى يقول انك سبايبها
فقدتك واعترف بن الخطاء ثابت عليه شهود = عنيد ومن عناده نايح الورقى يجاذبها
انا ما ودي اخسر عزتي دامي وريث اجدود = اعيش بعزتي لو مت والذله محاربها
اخاف اّصل معك لاخر محطات الغلا المسدود = تعيش بداخل الروح الشقيه ونت غايبها
تذوب امن الوله نفسي وشوف ان الامل مفقود = واكابر لا يبين ابها الوله والشوق غالبها
انا لا زارني طيفك حضنته والعباد ارقود = حبايب والحبايب تفرح ابشوفة حبايبها
هلا يا حبي الاول هلا يا جرمي المشهود = هلا يا جملتٍ وسط الخيال ولا اقدر اعربها
اليا شفتك تبسم كني الي شارك ابن اسعود = بحكم المملكه من شرقي الدمام لين ابها
وليا شفتك معكر بالمزاج وناظرك معقود = بذاك الوقت نفسي بتساع الكون ضاق ابها
ولامني ذكرت الناس حولك ضاق صدري زود = احسد الناس في شوفك ولا نقدر نطالبها
احسد امك على شوفك ومن حبك حسدت العود = واحسد الك البسيطه وانت تمشي في مناكبها
واحسد الشاشه الي قدم عينك واحسد الكي بورد = واحسد الفاره الي في يمينك يوم تقضبها
وليا مني تخيلت المبيسم والعيون السود = اضيع امن الوله لو كنت في مكه واطوف ابها
عيونك مملكة عاشت عظيمه والرموش اجنود = انا وش لون اقاوم والخطر شفته بحاجبها
علشانك علشان المحبه والسدود اسدود = يجور الوقت والفرقى تطول ولا نبوح ابها
احبك واعشقك واهواك ورجي رحمة المعبود = يروف بنفس ذابت فيك والفرقى تعذبها
انا ويا المحبه صرت هايم مثل راع الذود = شكى للناس ذوده والحقيقه هو يموت ابها
طبيب الحب قال ان المحبه ما وراها فود = ونا اقول المحبه غصب لا حلت نعيش ابها
على نبع الوفا ينبت على صدر المحب اورود = ليا هب الهوى فاحت رياحينه وحس ابها
اقول ان الصبر علقم يقلون الصبر محمود = ونا وش لون ابصبر والمحبه منك شاربها
ولكن مالي الا اكتب قصيدة ضامرن ملهود = كتب من نابع الاحساس والفرقى مجربها
على نسج الخيال الي قطع بي من غلاك احدود = تخيلتك قصيده في خيالي قبل لكتبها
احشمها عن الزله واداريها عن المنقود = ما دام ان البشر بذواق ما كلش يناسبها[/poem]
|