*
( يانجم ) .. !
لو اقدر آصلك يانجـم ٍ لمعـت بسمـاي
الارض مـا أظـن تعرفنـي ليـا جيتهـا
من دونك الجاذبيه .. والنجـوم بفضـاي
اكثر من وجيه نـاس ٍ ماظهـر صيتهـا !
ياليتها مـن علـوم ٍ مثـل هـذي وجـاي
كان الفـرص يـوم جتنـي .. ماتعديتهـا
بلاي من شرهة ربوعي وفرحـة اعـداي
هذي هـي الساعـه اللـي مـا تمنيتهـا
آثرك مثل السراب اللي مايقطـع ضمـاي
لـو انـي اتعبـت رجلينـي .. وعنّيتهـا
درّ في مدارك وانا ادّرج مكاني اخطـاي
بعـد اوقفـت خطّـر ايامـي وداريتهـا
والا طموحي ! بعيد ابعد من اخر مـداي
ولو انهـا بالعـزوم / عزومـي ابليتهـا
لكن يآسي غلـب علـى حقيقـة رجـاي
وهزيمتـي مـن مرارتهـا .. اسلتذيّتهـا
وعلى كثر مانسفت مـن الحقايـق وراي
تموت الاحـلام لكـن مـا انهـدم بيتهـا
مدري خطاك انت والا الحظ والا خطاي !
سـؤال .. منـه الاجابـات استشفّيتـهـا
علوم .. والونّـه المتفجـره فـي خفـاي
غفت على وسـادة ضلوعـي وصحيّتهـا
وبقت لي الذكريات اللي عزاهـا عـزاي
الله مـن ليـل .. سرتـنـي وسرّيتـهـا
هي مكسبي من مقاديري ورحلـة شقـاي
وهي راحتي لا اشتكيـت الهـا وناجيتهـا
معها .. واسولف لحالي من خلاي بخلاي
كـم خففـت ضيقـة ٍ فالصـدر كنيّتهـا
يانجم ليتـك تغيـب .. ولاتكـدّر صفـاي
يكفـي عليّـه جـروح ٍ منـك عانيتهـا !
طابـت .. ولكنـك اللـي ماتـدور دواي
عاشت ماخليتهـا .. وابطـت ماداويتهـا
ماهوب انا اللي يجي ويروح من غير راي
علاقة عيوني بـ.. نـورك قـد انهيتهـا
اللي خسرته دفاء ناري فـ.. بارد شتـاي
واللي كسبته مبـادي ٍ ماتـت / احييتهـا
هذا انا في عيون اعـداي قبـل اصدقـاي
امـوت .. والدمعـه الزرقـاء ماهليتهـا
الا على من قدر يكسب رضـاي وثنـاي
هـذا حياتـي عشـانـه .. ماتغاليتـهـا
انهيـت معـك البدايـه وابتـداء منتهـاي
والجمـره الحيّـه بـ.. كفـيّ ضمّيتهـا
مانـي بعايـش علـى لعلـي وياعسـاي
ان مـا قـدرت آدرك الامـال / خليتهـا
للشاعر المبدع / مشعان البراق
القافيه المطلوبه ( اوحـه )
شكرآ يادارين 